Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 143:1-12

MALU ADI MU MUKANDA EU

  • Kumvua nyota ya Nzambi bu buloba bume

    • ‘Ndi ngelangana meji a midimu yebe’ (5)

    • “Ndongesha mua kuenza disua diebe” (10)

    • ‘Nyuma webe muimpe andombole’ (10)

Mujiki wa Davidi. 143  Yehowa wanyi, teleja disambila dianyi;+Umvua disengelela dianyi dia dilomba diambuluisha. Ngandamuna mu lulamatu luebe ne mu buakane buebe.   Kupitshi ku tshilumbuluidi ne muena mudimu webe,Bualu kakuena muntu wa muoyo udi mua kuikala muakane kumpala kuebe.+   Bualu muena lukuna udi undondakaja;*Mmuzaze muoyo wanyi pa buloba. Mmunsombeshishe mu mîdima bu bantu bakafua kale.   Nyuma* wanyi udi wenda uteketa;+Muoyo wanyi mmukuate kakulakaja munda muanyi.+   Ndi mvuluka matuku a kale;Ndi ngelangana meji a mudimu webe wonso;+Ndi ngelangana meji* ne disanka dionso bua mudimu wa bianza biebe.   Ndi ngolola bianza bianyi kuudi;Ndi* anu bu buloba buminyine budi nebe nyota.+ (Sela)   Yehowa wanyi, ngandamuna lukasa;+Bukole* buanyi buafiki ku ndekelu.+ Kunsokoki mpala webe,+Tshianana nengikale anu bu bantu badi bapueka mu dijimba.*+   Ngumvue dinanga diebe dia lulamatu mu dinda,Bualu ndi nkueyemena. Mmanyisha njila undi ne bua kuendela,+Bualu ndi ntangila* kuudi wewe.   Yehowa wanyi, nsungila kudi bena lukuna banyi. Ndi nkeba bukubi buebe.+ 10  Ndongesha mua kuenza disua diebe,+Bualu wewe udi Nzambi wanyi. Nyuma webe udi muimpe;Yeye andombole pa buloba bulandakane.* 11  Bua bualu bua dîna diebe, wewe Yehowa, ndama ne muoyo. Mu buakane buebe, nsungila* ku dikenga.+ 12  Mu dinanga diebe dia lulamatu, tuisha bena lukuna banyi ku ndekelu;*+Butula bonso badi banduisha,*+Bualu ndi muena mudimu webe.+

Note

Anyi “ulondakaja anyima wanyi.”
Anyi “Bukole.”
Anyi, “ndonga.”
Anyi “Anyima wanyi udi.”
Ku mua.: “Nyuma.”
Anyi “lukita.”
Anyi “Bualu ndi mbandisha anyima wanyi.”
Anyi “mu buloba budi ne bululame.”
Anyi “sungila anyima wanyi.”
Ku mua.: “puwisha bena lukuna banyi.”
Anyi “baluisha anyima wanyi.”