Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 140:1-13

MALU ADI MU MUKANDA EU

  • Yehowa udi Mupandishi wa bukole

    • Bantu babi badi bu nyoka (3)

    • Bena tshikisu badi ne bua kukuluka (11)

Bua muludiki. Mujiki wa Davidi. 140  Yehowa wanyi, nsungila kudi bantu babi;Nkuba kudi bena tshikisu,+   Badi balukakaja malu mabi mu mioyo yabu+Ne bajudija ndululu dituku dijima.   Badi basakisha ludimi luabu anu bu lua nyoka;+Lulengu lua nyoka ya lulengu ludi munda mua mishiku yabu.+ (Sela)   Yehowa wanyi, nkuba ku bianza bia bantu babi;Ndama kudi bena tshikisu,+Badi balukakaja meji bua kunteya bua nkuluke.   Badibandishi badi basokoka buteyi bua bunkuate;Badi bela bukondo ne mionji kumpenga kua njila.+ Badi bantekela mateyi.+ (Sela)   Ndi ngambila Yehowa ne: “Wewe udi Nzambi wanyi. Yehowa wanyi, teleja disengelela dianyi dia dilomba diambuluisha.”+   Yehowa Mukalenge Mutambe Bunene, Mupandishi wanyi wa bukole,Wewe udi ukuba mutu wanyi mu dituku dia mvita.+   Yehowa wanyi, kuitabi bua majinga a bantu babi akumbane. Kulekedi bifufu bidibu bela bikumbana, bua kabatumbishibu.+ (Sela)   Mitu ya bantu badi bannyungulukeYibuikidibue ne mêyi mabiadi mishiku yabu mipatule.+ 10  Makala a kapia abalokele bu mvula.+ Bedibue mu kapia,Mu majimba male,*+ kabayi mua kujuka kabidi nansha. 11  Mushiminyinyanganyi wa malu kapetshi muaba pa buloba.*+ Malu mabi alondakaje bena tshikisu ne ababutule. 12  Ndi mumanye ne: Yehowa neakuile mupuekeleNe nealumbuluile bapele.+ 13  Bushuwa, bantu bakane nebele dîna diebe tuasakidila;Bena bululame nebasombe kumpala kuebe.*+

Note

Anyi “majimba a mâyi.”
Anyi “mu ditunga.”
Anyi “ku mêsu kuebe.”