Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 138:1-8

MALU ADI MU MUKANDA EU

  • Nansha mudiye mutumbishibue, Nzambi udi utabalelangana

    • ‘Wakandamuna disambila dianyi’ (3)

    • ‘Nansha munkatshi mua njiwu, udi unsungila’ (7)

Wa Davidi. 138  Nenkutumbishe ne muoyo wanyi mujima.+ Kumpala kua nzambi mikuabu,Nenkuimbile misambu ya butumbi.*   Nenginame mutangile ku ntempelo webe wa tshijila,*+Ne nentumbishe dîna diebe+Bua bualu bua dinanga diebe dia lulamatu ne bua lulamatu luebe. Bualu udi mutumbishe dîyi diebe ne dîna diebe ku mutu kua bintu bikuabu bionso.*   Dituku dimvua mukubikile, wakangandamuna;+Wakampesha dikima* ne bukole.+   Bakalenge bonso ba pa buloba nebakutumbishe, wewe Yehowa,+Bualu nebikale bamane kumvua milayi iuvua mulaye.   Nebimbe bua njila ya Yehowa,Bualu butumbi bua Yehowa mbunene.+   Nansha mudi Yehowa kuulu, udi umona bena budipuekeshi,+Kadi badibandishi udi ubamanyina anu ku bule.+   Nansha pandi ngendela munkatshi mua njiwu, wewe neundame ne muoyo.+ Udi wolola tshianza tshiebe bua kupangisha tshiji tshia bena lukuna banyi;Tshianza tshiebe tshia balume netshimpandishe.   Yehowa neankumbajile malu onso. Yehowa wanyi, dinanga diebe dia lulamatu didi dishalaku kashidi;+Kulekedi midimu ya bianza biebe.+

Note

Anyi pamuapa: “Nenkuimbile mijiki bua kuelesha nzambi mikuabu mpata.”
Anyi “muaba webe munsantu.”
Anyi pamuapa: “udi mutumbishe dîyi diebe ku mutu kua dîna diebe dionso.”
Anyi “dikima mu anyima wanyi.”