Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 137:1-9

MALU ADI MU MUKANDA EU

  • Ku misulu ya Babilona

    • Kabavua bimbe misambu ya Siona (3, 4)

    • Babilona udi ne bua kubutudibua (8)

137  Pabuipi ne misulu ya mu Babilona,+ muaba au ngutuvua basombe. Tuakadila patuakavuluka Siona.+   Ku mitshi ya pepiliye idi munkatshi muende,*Tuakakudikaku nzenze yetu.+   Bualu kuoku aku bantu bavua batukuate bakatulomba bua kuimba musambu,+Bavua batuseka bavua basuebua tubasanguluje, bamba ne: “Tuimbilayi musambu umue wa ku misambu ya mu Siona.”   Mmunyi mutudi mua kuimba musambu wa YehowaMu buloba bua bende?   Meme mukupue muoyo, wewe Yelushalema,Tshianza tshianyi tshia balume tshishale tshia bipua muoyo.*+   Ludimi luanyi lulamate mu tshilakalaka tshianyiMeme tshiyi mukuvuluke,Meme tshiyi muteke Yelushalema ku mutu kuaMalu matambe bunene adi enza bua nsanke.+   Yehowa wanyi, vulukaTshivua bena Edome bambe dituku divua Yelushalema mukuluke ne: “Mupulayi! Mupulayi too ne ku bishimikidi biende!”+   Wewe muana wa bakaji wa Babilona ukadibu pa kubutula,+Muntu wa diakalenga nguakupingajilaMalu mabi auvua mutuenzele.+   Muntu wa diakalenga nguakuata bana bebeNe kubazaka ku mabue.+

Note

Bakula bua Babilona.
Anyi pamuapa: “tshiuminyine.”