Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 136:1-26

MALU ADI MU MUKANDA EU

  • Dinanga dia lulamatu dia Yehowa didi dishalaku kashidi

    • Diulu ne buloba mbienza ne meji onso (5, 6)

    • Palô wakafua mu Mbuu Mukunze (15)

    • Nzambi udi uvuluka badi babungame (23)

    • Biakudia bua tshintu tshionso tshidi ne muoyo (25)

136  Elayi Yehowa tuasakidila, bualu yeye udi muimpe;+Dinanga diende dia lulamatu didi dishalaku kashidi.+   Elayi Nzambi wa banzambi tuasakidila,+Bualu dinanga diende dia lulamatu didi dishalaku kashidi.   Elayi Mukalenge wa bakalenge tuasakidila,Bualu dinanga diende dia lulamatu didi dishalaku kashidi.   Yeye nkayende ke udi wenza malu manene a kukema,+Bualu dinanga diende dia lulamatu didi dishalaku kashidi.+   Wakenza diulu ne meji onso,*+Bualu dinanga diende dia lulamatu didi dishalaku kashidi.   Wakabalula buloba pa mutu pa mâyi,+Bualu dinanga diende dia lulamatu didi dishalaku kashidi.   Wakenza bintu binene bidi bifila butoke,+Bualu dinanga diende dia lulamatu didi dishalaku kashidi,   Dîba bua kukokeshadi mu munya,+Bualu dinanga diende dia lulamatu didi dishalaku kashidi,   Ngondo ne mitoto bua kukokeshabi butuku,+Bualu dinanga diende dia lulamatu didi dishalaku kashidi. 10  Wakashipa banabute ba mu Ejipitu,+Bualu dinanga diende dia lulamatu didi dishalaku kashidi. 11  Wakapatula Isalele munkatshi muabu,+Bualu dinanga diende dia lulamatu didi dishalaku kashidi, 12  Ne tshianza tshia bukole+ ne diboko diolola,Bualu dinanga diende dia lulamatu didi dishalaku kashidi. 13  Wakapandulula Mbuu Mukunze mu bitupa bibidi,*+Bualu dinanga diende dia lulamatu didi dishalaku kashidi. 14  Wakenza bua Isalele apitshile munkatshi muende,+Bualu dinanga diende dia lulamatu didi dishalaku kashidi. 15  Wakimansha Palô ne tshiluilu tshiende mu Mbuu Mukunze,+Bualu dinanga diende dia lulamatu didi dishalaku kashidi. 16  Wakalombola bantu bende kubapitshishila mu tshipela,+Bualu dinanga diende dia lulamatu didi dishalaku kashidi. 17  Wakashipa bakalenge banene,+Bualu dinanga diende dia lulamatu didi dishalaku kashidi. 18  Wakashipa bakalenge ba bukole,Bualu dinanga diende dia lulamatu didi dishalaku kashidi, 19  Sihona+ mukalenge wa bena Amole,Bualu dinanga diende dia lulamatu didi dishalaku kashidi, 20  Ne Oga+ mukalenge wa Bashana,Bualu dinanga diende dia lulamatu didi dishalaku kashidi. 21  Wakafila buloba buabu bu bumpianyi,+Bualu dinanga diende dia lulamatu didi dishalaku kashidi, 22  Bumpianyi kudi Isalele muena mudimu wende,Bualu dinanga diende dia lulamatu didi dishalaku kashidi. 23  Wakatuvuluka patuvua bapuekeshibue,+Bualu dinanga diende dia lulamatu didi dishalaku kashidi.+ 24  Wakatungunuka ne kutusungila kudi baluishi betu,+Bualu dinanga diende dia lulamatu didi dishalaku kashidi. 25  Udi upesha tshintu tshionsotshidi ne muoyo* biakudia,+Bualu dinanga diende dia lulamatu didi dishalaku kashidi. 26  Elayi Nzambi wa mu diulu tuasakidila,Bualu dinanga diende dia lulamatu didi dishalaku kashidi.

Note

Anyi “ne dijingulula dia malu.”
Ku mua.: “mu bipese.”
Ku mua.: “musunyi wonso.”