Ndaku munda

Ndaku ku tshikebelu

Bantemu ba Yehowa

Sungula muakulu Tshiluba

Misambu 132:1-18

MALU ADI MU MUKANDA EU

  • Mbasungule Davidi ne Siona

    • “Kubengi muela manyi webe” (10)

    • Bakuidi ba Siona bavuadika lupandu (16)

Musambu wa mu dibanda. 132  Yehowa wetu, vuluka DavidiNe dikenga diende dionso;+   Muvuaye muditshipe kudi Yehowa,Muvuaye muenze mutshipu kudi Wa Bukole wa Yakoba ne:+   “Tshiakubuela mu ntenta wanyi, mu nzubu wanyi to.+ Tshiakulala pa kalalu kanyi, pa bulalu buanyi to;   Tshiakuitaba bua mêsu anyi alale,Anyi bua bilafinyi bianyi bibungile   Too ne pandi mpetela Yehowa muaba,Nzubu* muimpe bua Wa Bukole wa Yakoba.”+   Mona! Tuvua bumvue bualu ebu mu Efelata;+Tuvua babusangane mu mpata ya muitu.+   Tubuelayi mu nzubu wende;*+Tuinamayi ku tshitekelu tshiende tshia makasa.+   Yehowa wetu, juka bua kulua muaba webe wa kuikishila,+Wewe ne Mushete wa bukole buebe.+   Bakuidi bebe bavuale buakane,Ne bena lulamatu bebe bele mbila ne disanka. 10  Bua bualu bua Davidi muena mudimu webe,Kubengi* muela manyi webe.+ 11  Yehowa mmuditshipe kudi Davidi;Bushuwa, yeye kakupinganyina dîyi diende dia ne: “Umue wa ku bana bebe,*Nemmuteke mu nkuasa webe wa bukalenge.+ 12  Bana bebe bobu balame tshipungidi tshianyiNe mavuluija anyi andi mbalongesha,+Bana babu pabuNebasombe mu nkuasa webe wa bukalenge kashidi.”+ 13  Bualu Yehowa mmusungule Siona;+Yeye mmumujinge bua ikale muaba wende wa kusombela wamba ne:+ 14  “Eu mmuaba wanyi wa kuikishila kashidi;Nensombele muaba eu,+ bualu ke dijinga dianyi. 15  Nemmubeneshe bikole ne bintu bia kudia;Nengukutshishe bapele bende ne diampa.+ 16  Nemvuadike bakuidi bende lupandu,+Ne bena lulamatu bende nebele mbila ne disanka.+ 17  Nemvudijile bukole bua* Davidi kuoku aku. Ndi mulongoluele muela manyi wanyi muendu.+ 18  Nemvuadike bena lukuna bende bundu,Kadi tshifulu tshia butumbi* tshidi ku mutu kuende netshitante.”+

Note

Anyi “ntenta munene wa tshitendelelu.”
Anyi “ntenta wende munene wa tshitendelelu.”
Ku mua.: “Kukudimunyi mpala wa.”
Ku mua.: “wa ku mamuma a munda muebe.”
Ku mua.: “lusengu lua.”
Anyi “tshikata tshia lumu.”