Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 118:1-29

MALU ADI MU MUKANDA EU

  • Kusakidila bua ditshimuna dia Yehowa

    • ‘Ngakabila Yah, ne yeye wakandamuna’ (5)

    • “Yehowa udi ku luseke luanyi” (6, 7)

    • Dibue divuabu babenge didi dilua dibue dinene dia mu ditumba (22)

    • “Eu udi ulua mu dîna dia Yehowa” (26)

118  Elayi Yehowa tuasakidila, bualu yeye udi muimpe;+Dinanga diende dia lulamatu didi dishalaku kashidi.   Isalele ambe mpindieu ne: “Dinanga diende dia lulamatu didi dishalaku kashidi.”   Ba mu nzubu wa Alona bambe mpindieu ne: “Dinanga diende dia lulamatu didi dishalaku kashidi.”   Badi batshina Yehowa bambe mpindieu ne: “Dinanga diende dia lulamatu didi dishalaku kashidi.”   Ngakabila Yah* mu dikenga dianyi;Yah wakandamuna, kuyaye nanyi mu muaba wa bukubi.*+   Yehowa udi ku luseke luanyi; tshiakutshina to.+ Ntshinyi tshidi muntu mua kungenzela?+   Yehowa udi ku luseke luanyi bu muambuluishi wanyi;*+Nentangile badi bankine ne mêsu a butshimunyi.+   Kunyemena kudi Yehowa nkuimpeKupita kueyemena bantu.+   Kunyemena kudi Yehowa nkuimpeKupita kueyemena bakokeshi.+ 10  Bisamba bionso bivua binnyunguluke,Kadi mu dîna dia Yehowa,Ngakabipingaja tshianyima.+ 11  Bivua binnyunguluke, eyowa, bivua binnyunguluke nseke yonso,Kadi mu dîna dia Yehowa,Ngakabipingaja tshianyima. 12  Bivua binnyunguluke anu bu mbulubulu,Kadi biakajima ne lukasa luonso anu bu kapia mu mêba. Mu dîna dia Yehowa,Ngakabipingaja tshianyima.+ 13  Bakansakila bikole* bua kunshindisha,Kadi Yehowa wakangambuluisha. 14  Yah udi muaba wanyi wa kupengama ne bukole buanyi,Ne yeye mmulue lupandu luanyi.+ 15  Mutoyi wa disanka ne lupandu*Udi mu ntenta ya bantu bakane. Tshianza tshia balume tshia Yehowa tshidi tshileja bukole buatshi.+ 16  Tshianza tshia balume tshia Yehowa tshidi tshidibandisha;Tshianza tshia balume tshia Yehowa tshidi tshileja bukole buatshi.+ 17  Tshiakufua nansha, tòo, nengikale ne muoyo,Bua kumanyisha midimu ya Yah.+ 18  Yah wakampesha dinyoka dikole menemene,+Kadi kakamfila mu bianza bia lufu to.+ 19  Ngunzuluile biibi bia buakane;+Nembuelamu ne nentumbishe Yah. 20  Etshi ntshiibi tshia Yehowa. Bantu bakane nebabuelelaku.+ 21  Nenkutumbishe, bualu wewe uvua mungandamune+Ne wewe wakalua lupandu luanyi. 22  Dibue diakabenga bibakiNdilue dibue dinene dia mu ditumba.*+ 23  Bualu ebu mbufumine kudi Yehowa;+Mbualu bua dikema ku mêsu kuetu.+ 24  Edi ndituku didi Yehowa muenze;Netuikale ne disanka ne netusanke mu dituku edi. 25  Tudi tukulomba, Yehowa, tupandisha koku! Yehowa, enza koku bua tutshimune! 26  Eu udi ulua mu dîna dia Yehowa mmubeneshibue;+Tudi tukubenesha kumbukila ku nzubu wa Yehowa. 27  Yehowa udi Nzambi;Yeye udi utupesha butoke.+ Buelayi penu mu ngendu ya mindololotshi ne matamba a mitshi mu bianza,+Too ne ku nsengu ya tshioshelu.+ 28  Wewe udi Nzambi wanyi, nenkutumbishe;Nzambi wanyi, nenkusamune.+ 29  Elayi Yehowa tuasakidila,+ bualu yeye udi muimpe;Dinanga diende dia lulamatu didi dishalaku kashidi.+

Note

“Yah” ntshikepeshilu tshia dîna dia Yehowa.
Anyi “muaba munene.”
Anyi pamuapa: “pamue ne badi bangambuluisha.”
Anyi pamuapa: “Wewe wakansakila bikole.”
Anyi “ditshimuna.”
Ku mua.: “mutu wa ditumba.”