Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 116:1-19

MALU ADI MU MUKANDA EU

  • Musambu wa dianyisha

    • “Nempingajile Yehowa tshinyi?” (12)

    • “Nengambule dikopo dia lupandu” (13)

    • “Nenkumbaje mitshipu yanyi kudi Yehowa” (14, 18)

    • Lufu lua bena lulamatu ludi ne mushinga wa bungi (15)

116  Ndi munange YehowaBualu udi uteleja* dîyi dianyi, milombu yanyi ya dilomba diambuluisha.+   Bualu yeye udi winyika ditshi diende kundi,*+Ne nemmubile matuku onso antshidi ne muoyo.*   Mionji ya lufu ivua minjingile;Lukita luvua lunkuate.*+ Dikenga ne kanyinganyinga bivua bimpite.+   Kadi ngakabila dîna dia Yehowa ne:+ “Yehowa wanyi, nsungilaku!”*   Yehowa udi uditeka pa muaba wa bakuabu* ne mmuakane;+Nzambi wetu mmuena luse.+   Yehowa udi ulama muntu udi kayi ne dimanya.+ Ngakapuekeshibua, kadi yeye wakampandisha.   Anyima* wanyi ikishe kabidi,Bualu Yehowa mmungenzele malu ne bulenga.   Wewe udi munsungile* ku lufu,Mêsu anyi ku binsonji, ne makasa anyi ku ditetuka.+   Nengende kumpala kua Yehowa mu buloba bua badi ne muoyo. 10  Mvua ne ditabuja, bualu ngakakula;+Mvua mukengeshibue bikole. 11  Kadi meme, ngakapampakana, kuamba ne: “Muntu yonso mmuena dishima.”+ 12  Nempingajile Yehowa tshinyiBua malu mimpe onso adiye mungenzele? 13  Nengambule dikopo dia lupandu,*Ne nembile dîna dia Yehowa. 14  Nenkumbaje mitshipu yanyi kudi YehowaMu mêsu mua bantu bende bonso.+ 15  Lufu lua bena lulamatu ba YehowaLudi ne mushinga wa bungi ku mêsu kuende.+ 16  Ndi nkulomba, Yehowa,Bualu ndi muena mudimu webe. Ndi muena mudimu webe, muana wa mupika webe mukaji. Wewe udi munsulule ku mionji.+ 17  Nenkulambule mulambu wa kukuela nawu tuasakidila;+Nembile dîna dia Yehowa. 18  Nenkumbaje mitshipu yanyi kudi Yehowa+Mu mêsu mua bantu bende bonso,+ 19  Mu mbanza ya nzubu wa Yehowa,+Munkatshi muebe, wewe Yelushalema. Tumbishayi Yah!*+

Note

Anyi pamuapa: “Ndi munange bualu Yehowa udi uteleja.”
Anyi “udi winama bua kunteleja.”
Ku mua.: “mu matuku anyi.”
Ku mua.: “Tunyinganyinga tua Sheole tuvua tumpete.”
Anyi “sungilaku anyima wanyi.”
Anyi “udi ne muoyo muimpe.”
Tang. Diumv.
Anyi “musungile anyima wanyi.”
Anyi “lupandu lunene.”
Anyi “Aleluya!” “Yah” ntshikepeshilu tshia dîna dia Yehowa.