Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 115:1-18

MALU ADI MU MUKANDA EU

  • Butumbi bua kupesha Nzambi nkayende

    • Mpingu idi kayiyi ne muoyo (4-8)

    • Buloba bupesha bantu (16)

    • “Bafue kabena batumbisha Yah” (17)

115  Kutupeshi tuetu to, Yehowa, kutupeshi tuetu to,*Kadi pesha dîna diebe butumbi+Bua dinanga diebe dia lulamatu ne bua lulamatu luebe.+   Bua tshinyi bisamba bidi ne bua kuamba ne: “Nzambi wabu udi penyi?”+   Nzambi wetu udi mu diulu;Yeye udi wenza tshionso tshidiye musue.   Mpingu yabu nya tshiamu tshia arjan ne tshia or,Mudimu wa bianza bia bantu.+   Idi ne mukana, kadi kayena mua kuakula;+Idi ne mêsu, kadi kayena mua kumona;   Idi ne matshi, kadi kayena mua kumvua;Idi ne diulu, kadi kayena mua kununkila;   Idi ne bianza, kadi kayena mua kulenga;Idi ne makasa, kadi kayena mua kuenda;+Kayena ipatula dîyi mu diminu diayi to.+   Bantu badi bayenza nebalue anu bu yoyi,+Ke muikala kabidi bonso badi bayeyemena.+   Wewe Isalele, eyemena Yehowa,+Yeye udi muambuluishi wabu ne ngabu wabu.+ 10  Wewe nzubu wa Alona,+ eyemena Yehowa,Yeye udi muambuluishi wabu ne ngabu wabu. 11  Nuenu badi batshina Yehowa, eyemenayi Yehowa,+Yeye udi muambuluishi wabu ne ngabu wabu.+ 12  Yehowa udi utuvuluka ne neatubeneshe;Neabeneshe nzubu wa Isalele;+Neabeneshe nzubu wa Alona. 13  Yeye neabeneshe badi batshina Yehowa,Bakese ne banene. 14  Yehowa neenze bua nuvulangane,Nuenu ne bana benu.*+ 15  Nubeneshibue kudi Yehowa,+Muenji wa diulu ne buloba.+ 16  Diulu diodi ndia Yehowa,+Kadi buloba mmubupeshe bana ba bantu.+ 17  Bafue kabena batumbisha Yah;+Nansha muntu udi upueka mu dipuwa talalaa dia lufu.*+ 18  Kadi tuetu netutumbishe YahKutuadijila ku mpindieu too ne kashidi. Tumbishayi Yah!*

Note

Anyi “Tshintu nansha tshimue ki ntshietu to, Yehowa, tshintu nansha tshimue ki ntshietu to.”
Ku mua.: “bana benu ba balume.”
Ku mua.: “mu dipuwa talalaa.”
Anyi “Aleluya!” “Yah” ntshikepeshilu tshia dîna dia Yehowa.