Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 112:1-10

MALU ADI MU MUKANDA EU

  • Muntu muakane udi utshina Yehowa

    • Musombeshanganyi wa bintu ne muoyo wa tshipapayi neatante (5)

    • “Nebavuluke muntu muakane bua kashidi” (6)

    • Muena muoyo wa tshipapayi udi upesha bapele (9)

112  Tumbishayi Yah!*+ א [Alefe] Wa diakalenga mmuntu udi utshina Yehowa,+ב [Bete]Udi usanka bikole bua mêyi ende.+ ג [Gimele]   Ndelanganyi yende neyilue bilobo pa buloba,ד [Dalete]Ne tshipungu tshia bena bululame netshibeneshibue.+ ה [He]   Biuma ne bubanji bidi mu nzubu muende,ו [Waw]Ne buakane buende budi butungunuka bua kashidi. ז [Zayine]   Kudi bantu bakane yeye udi ukenka anu bu butoke mu mîdima.+ ח [Hete] Yeye udi uditeka pa muaba wa bakuabu,* mmuena luse+ ne mmuakane. ט [Tete]   Malu adi enda bimpe bua muntu udi usombeshangana bintu ne muoyo wa tshipapayi.*+ י [Yode] Yeye udi ulombola malu ende ne buakane. כ [Kafe]   Kakunyungishibua nansha kakese.+ ל [Lamede] Nebavuluke muntu muakane bua kashidi.+ מ [Meme]   Kakutshina ngumu mibi.+ נ [Nune] Muoyo wende mmushindame, weyemena Yehowa.+ ס [Sameke]   Muoyo wende kawena mua kunyungishibua;* yeye kena utshina;+ע [Ayine]Ndekelu wa bionso, neatangile baluishi bende ne mêsu a butshimunyi.+ פ [Pe]   Mmuabanyinangane bintu ne tshianza tshilekelela;* mmupeshe bapele bintu.+ צ [Tesade] Buakane buende budi butungunuka bua kashidi.+ ק [Kofe] Bukole buende* yeye muine nebubandishibue ne butumbi. ר [Leshe] 10  Muntu mubi neamone, neapampakane. ש [Shine] Neadie dînu, ne neenguluke. ת [Taw] Majinga a bantu babi neajimine.+

Note

Anyi “Aleluya!” “Yah” ntshikepeshilu tshia dîna dia Yehowa.
Anyi “udi ne muoyo muimpe.”
Anyi “ne muoyo muimpe.”
Anyi “mmudisuike; mmuimane kamungulu.”
Anyi “ne muoyo wa tshipapayi.”
Ku mua.: “lusengu luende.”