Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 110:1-7

MALU ADI MU MUKANDA EU

  • Mukalenge ne muakuidi bu Melekisedeke

    • “Ukokeshe munkatshi mua bena lukuna bebe” (2)

    • Bansonga bena budisuile badi bu mamata a lumuma (3)

Wa Davidi. Mujiki. 110  Yehowa wakambila Mukalenge wanyi ne: “Somba ku tshianza tshianyi tshia balume+Too ne pangateka bena lukuna bebe bu kabasa ka kutekela makasa ebe.”+   Yehowa neolole dikombo dia bukokeshi buebe too ne pambelu pa Siona, wamba ne: “Ndaku ukokeshe munkatshi mua bena lukuna bebe.”+   Bantu bebe nebadifile ku budisuile mu dituku dia tshiluilu tshia basalayi bebe.* Wewe udi ne tshisumbu tshiebe tshia bansongalume anu bu mamata a lumuma,Tshipatuka munda mua lunkelu, mu tshijila tshia dikema.   Yehowa mmuditshipe mutshipu, ne kakushintulula lungenyi luende,* wamba ne: “Wewe udi muakuidi bua kashidi+Mu mushindu uvua Melekisedeke!”+   Yehowa neikale ku tshianza tshiebe tshia balume;+Neazaze bakalenge dituku dia tshiji tshiende.+   Yeye neakumbaje dilumbuluisha kudi* bisamba;+Neuwuje buloba ne bitalu.+ Neazaze mulombodi* wa mu buloba bualabale.*   Yeye* neanue mâyi a mu kasulu kadi kumpenga kua njila. Ke bualu kayi yeye neashale mujule mutu wende muulu.

Note

Anyi “mu dituku didi tshiluilu tshiebe tshidilongolole.”
Anyi “kakunyingalala.”
Anyi “munkatshi mua.”
Ku mua.: “mutu.”
Anyi “wa buloba bujima.”
Bakula bua “Mukalenge wanyi” udi mu mvese wa 1.