Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 11:1-7

MALU ADI MU MUKANDA EU

  • Kunyemena kudi Yehowa

    • “Yehowa udi mu ntempelo wende wa tshijila” (4)

    • Nzambi udi ukina muntu yonso udi munange tshikisu (5)

Kudi muludiki. Wa Davidi. 11  Kudi Yehowa nkundi munyemene.+ Nunku mmunyi munudi nungambila* ne: “Nyemena ku mukuna wenu bu nyunyi?   Mona mudi bantu babi banana buta buabu bua mi-kete;Badi bapayika mukete wabu mu mulemu,Bua kuashila bantu badi balulame mu muoyo wabu mu mîdima.   Padibu bashimbula bishimikidi,*Ntshinyi tshidi bantu bakane mua kuenza?”   Yehowa udi mu ntempelo wende wa tshijila.+ Nkuasa wa bukalenge wa Yehowa udi mu diulu.+ Mêsu ende adi amona, mêsu ende matabale* adi akonkonona bana ba bantu.+   Yehowa udi ukonkonona muntu muakane kabidi ne muntu mubi;+Yeye* udi ukina muntu yonso udi munange tshikisu.+   Nealokeshile bantu babi mateyi;*Kapia ne sufre+ ne lupepelelua kapia kakole nebikale tshitupa tshia diabu dikopo.   Bualu Yehowa mmuakane;+ mmunange bienzedi biakane.+ Bena bululame nebamone mpala wende.*+

Note

Anyi “nuambila anyima wanyi.”
Anyi “bishimikidi bia kulumbuluisha kuakane.”
Anyi “adi atua nsese.”
Anyi “Anyima wende; Bumuntu buende buine.”
Anyi pamuapa: “makala adi atema kapia.”
Anyi “nebamone kalolo kende.”