Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 109:1-31

MALU ADI MU MUKANDA EU

  • Disambila dia muntu udi mu dikenga

    • ‘Muntu mukuabu angate muaba wende’ (8)

    • Nzambi udi wimana ku luseke kua mupele (31)

Kudi muludiki. Wa Davidi. Mujiki. 109  Wewe Nzambi undi ntumbisha,+ kushadi mupuwe to.   Bualu bantu babi ne bena dishima badi bankanguila mukana muabu. Badi bakula bua bualu buanyi ne ndimi ya dishima;+   Badi bannyunguluka ne mêyi a lukinu,Ne badi bambunda kakuyi bualu.+   Meme ndi mubanange, kadi bobu badi bankandamena;+Kadi meme ndi ntungunuka ne kusambila.   Badi bampingajila malu mabi ku malu mimpe+Ne lukinu ku dinanga dianyi.+   Teka muntu mubi ku mutu kuende;Mukandamanyi* imane ku tshianza tshiende tshia balume.   Padibu bamulumbuluisha, bamusangane mupile;*Nansha masambila ende abadibue bu mpekatu.+   Matuku ende akepele;+Muntu mukuabu angate mudimu wende wa butangidi.+   Bana* bende balue bana badi bafuishe tatuabu,Ne mukajende, mukaji mukamba. 10  Bana* bende balue balombi ba ka pa luse balalakanyi,Bakebela biakudia mu nzubu yabu idi mishale bibuwa. 11  Udiye nende dibanza anyenge* bionso bidiye nabi,Ne benyi bapawule bintu biende. 12  Muntu nansha umue kamuleji bulenga,*Ne bana bende badi bafuishe tatuabu, muntu kabaleji luse nansha. 13  Ndelanganyi* yende ibutudibue;+Bakupule mêna ayi mu tshipungu tshiabu. 14  Yehowa avuluke tshilema tshia bankambua bende,+Ne kabakupudi mpekatu wa mamuende. 15  Yehowa ikale anu muvuluke malu adibu benze;Yeye ajimije tshivulukilu tshiabu pa buloba.+ 16  Bualu muntu au kavua muvuluke bua kulejangana bulenga,*+Kadi wakatungunuka ne kulondakaja muntu mupele udi ukenga,+ udi ne muoyo musunsuke,Bua kumushipa.+ 17  Yeye uvua munange kuelangana mulawu, nunku mulawu ke wakamupinganyina;Kavua musue kubeneshangana to, nunku kakapeta dibenesha. 18  Yeye uvua muvuale milawu bu biende bilamba. Ivua mitshikija mu mubidi wende anu bu mâyi,Mu mifuba yende anu bu mafuta. 19  Milawu yende yikale bu tshilamba tshidiye udijingila+Ne bu mukaba udiye uvuala misangu yonso. 20  Edi ndifutu didi Yehowa ufuta muntu udi unkandamena+Ne bantu badi bangamba* malu mabi. 21  Kadi wewe, Yehowa Mukalenge Mutambe Bunene,Ngambuluisha bua bualu bua dîna diebe.+ Nsungila, bualu dinanga diebe dia lulamatu ndimpe.+ 22  Bualu tshiena ne dikuatshisha ne ndi mupele,+Ne muoyo wanyi mmutubula munda muanyi.+ 23  Ndi ngenda njimina anu bu mundidimbi udi wenda ukepela;Mbantutule anu bu mpasu wa mukumbi. 24  Binu bianyi mbitekete bua dijila dia biakudia;Mubidi wanyi mmunyane, ne ndi ngenda nteketa.* 25  Ndi mulue tshintu tshia bobu kupenda.+ Padibu bammona, badi bakupa mitu yabu.+ 26  Ngambuluisha, wewe Yehowa Nzambi wanyi;Mpandisha ne dinanga diebe dia lulamatu. 27  Bamanye ne: mbienzeke nunku ku tshianza tshiebe;Kabidi ne: wewe, Yehowa, ke udi muenze bualu ebu. 28  Bobu bele mulawu, kadi wewe ufile dibenesha. Padibu banjukila, bafuishibue bundu,Kadi muena mudimu webe asanke. 29  Badi bankandamena baluatshishibue dipuekeshibua dia milongo;Bakutshibue mu bundu buabu bu mu muzabi.*+ 30  Mukana muanyi nemutumbishe Yehowa ne muoyo mujima;Nemmutumbishe kumpala kua bantu ba bungi.+ 31  Bualu yeye neimane ku tshianza tshia balume tshia mupeleBua kumupandisha kudi bantu badi bamupisha.*

Note

Anyi “Mubandianganyi.”
Anyi “muntu mubi.”
Ku mua.: “Bana ba balume.”
Ku mua.: “Bana ba balume.”
Anyi “Basombeshanganyi ba makuta bamuele mateyi bua.”
Anyi “dinanga dia lulamatu.”
Anyi “tunkanunuina.”
Anyi “dinanga dia lulamatu.”
Anyi “bamba anyima wanyi.”
Ku mua.: “Musunyi wanyi mmukepele, kawuyi ne manyi (mafuta).”
Anyi “muzabi wa kawuyi maboko.”
Anyi “bapisha anyima wende.”