Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 108:1-13

MALU ADI MU MUKANDA EU

  • Disambila bua kutshimuna bena lukuna

    • Lupandu lua kudi bantu ludi patupu (12)

    • “Netupetele bukole kudi Nzambi” (13)

Musambu. Mujiki wa Davidi. 108  Muoyo wanyi mmushindame, Nzambi wanyi. Nenkuimbile misambu ne nenkuimbile mijiki ne tshiuwidi tshianyi tshijima.*+   Tabala, wewe tshiombelu tshia nshinga, ne wewe lunzenze kabidi.+ Nembishe kabundubundu.   Yehowa wanyi, nenkutumbishe munkatshi mua bukua bantu,Nenkuimbile misambu ya kukutumbisha nayi* munkatshi mua bisamba.   Bualu dinanga diebe dia lulamatu ndinene, ditumbuke bu diulu,+Ne lulamatu luebe ndufike too ne mu biululu.   Nzambi wanyi, tumbishibua pa mutu pa diulu;Butumbi buebe buikale pa mutu pa buloba bujima.+   Bua bantu bebe baudi munange basungidibue,Tupandisha ne tshianza tshiebe tshia balume ne ungandamune.+   Nzambi mmuakule mu bunsantu buende* wamba ne: “Nensanke bikole, nemfile Shekeme+ bu bumpianyi,Ne nempime Tshibandabanda* tshia Sukota.+   Gilada+ nguanyi anu bu mudi Manashe wanyi,Efelayima ntshifulu* bua mutu wanyi;+Yuda ndikombo dianyi dia bumfumu.+   Moaba ndilongo dianyi dia kuowela mâyi.+ Nengase Edome sandala wanyi.+ Nengelele Peleshete lubila lua ditshimuna.”+ 10  Nnganyi wamfikisha mu tshimenga tshikolesha? Nnganyi wandombola too ne ku Edome?+ 11  Ki nguewe, Nzambi wanyi, udi mutulekele,Nzambi wetu, udi katshiyi upatuka ne biluilu bietu anyi?+ 12  Tuambuluisha mu dikenga dietu,+Bualu lupandu lua kudi bantu ludi patupu.+ 13  Netupetele bukole kudi Nzambi,+Ne yeye neadiatakaje baluishi betu.+

Note

Ku mua.: “nansha butumbi buanyi.”
Anyi “mijiki.”
Anyi pamuapa: “mu muaba wende wa tshijila.”
Anyi “Tshibatabata.”
Ku mua.: “mmuaba mukolesha wa kusokomena.”