Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 107:1-43

MALU ADI MU MUKANDA EU

  • Sakidilayi Nzambi bua midimu yende ya kukema

    • Wakabalombola mu njila muakane (7)

    • Wakukutshisha bavua ne nyota ne bavua ne nzala (9)

    • Wakabapatula mu mîdima (14)

    • Wakatuma dîyi diende bua kubondopa (20)

    • Udi ukuba bapele ku dikengeshibua (41)

(Misambu 107-150) 107  Elayi Yehowa tuasakidila, bualu yeye udi muimpe;+Dinanga diende dia lulamatu didi dishalaku kashidi.+   Bantu badi Yehowa muangatulule* bambe bualu ebu,Bavuaye muangatulule ku tshianza tshia* muluishi,+   Ba mu maloba makuabu bavuaye musangishe pamue,+Ba ku est ne ba ku ouest,*Ba ku nord ne ba ku sud.+   Bakatambakana mu tshipela, mu buloba bua munda mutupu;Kabakamona njila wa ku tshimenga nansha tshimue tshivuabu mua kusombela.   Bavua ne nzala ne nyota;Bavua* bazengele ne dipungi.   Bakatungunuka ne kudidila Yehowa mu dikenga diabu;+Yeye wakabasungila ku lutatu luabu lukole.+   Wakabendesha mu njila muakane+Bua kufika mu tshimengatshivuabu mua kusombela.+   Bantu basakidile Yehowa+ bua dinanga diende dia lulamatuNe bua malu ende a kukema adiye wenzela bana ba bantu.+   Bualu yeye mmujikije nyota ya bavua ne nyota*Ne mmukutshishe bavua ne nzala* ne bintu bimpe.+ 10  Bamue bavua basombele mu mîdima mikole,Bena buloko mu dikenga ne mu milonda. 11  Bualu bavua batombokele dîyi dia Nzambi;Bakapetula mubelu wa Mutambe Bunene.+ 12  Nunku wakapuekesha mioyo yabu milongo ne ntatu;+Bakalenduka, ne kakuvua muntu uvua mua kubambuluisha. 13  Bakabikila Yehowa bua abambuluishe mu dikenga diabu;Yeye wakabapandisha ku lutatu luabu lukole. 14  Wakabapatula mu mîdima mikole,Ne wakakosa nkanu yabu.+ 15  Bantu basakidile Yehowa bua dinanga diende dia lulamatu+Ne bua malu ende a kukema adiye wenzela bana ba bantu. 16  Bualu yeye mmupule biibi bia tshiamu tshia mitakuNe mmukose milonda ya tshiamu tshifiike.+ 17  Bavua batshimbakane ne bakakenga+Bua dishipa diabu dia mikenji ne bua bilema biabu.+ 18  Biakudia bionso biakabafiikila ku muoyo;*Bakasemena pabuipi ne biibi bia lufu. 19  Bavua babikila Yehowa bua abambuluishe mu dikenga diabu;Yeye uvua ubapandisha ku lutatu luabu lukole. 20  Uvua utuma dîyi diende, ubondopa+Ne ubasungila ku majimba avuabu bakuatshikamu. 21  Bantu basakidile Yehowa bua dinanga diende dia lulamatuNe bua malu ende a kukema adiye wenzela bana ba bantu. 22  Bafile milambu ya kuela nayi tuasakidila+Ne bambe malu adiye muenze ne lubila lua disanka. 23  Bantu badi benzela ngendu mu mazuwa pa mbuu,Badi benduluka mishinga yabu pa mâyi manene,+ 24  Mbamone midimu ya YehowaNe malu ende a kukema mu ndondo;+ 25  Mudi tshipepele tshikole tshijuka ku dîyi diende,+Tshijudija mavuala a mbuu. 26  Badi babanda muulu;Badi badina mu ndondo. Dikima* diabu didi dienguluka bua dikenga didi dikeba kubakuata. 27  Badi batenkakana ne batetuka bu muntu mukuatshike maluvu,Ne dimanya diabu dionso didi dilua tshianana.+ 28  Dîba adi badi badidila Yehowa mu dikenga diabu,+Ne yeye udi ubasungila ku lutatu luabu lukole. 29  Udi utuyisha tshipepele;Mavuala a mbuu adi abatama.+ 30  Badi basanka padiwu ashala mabatame,Ne yeye udi ubalombola too ne ku dilobo didibu basue. 31  Bantu basakidile Yehowa bua dinanga diende dia lulamatuNe bua malu ende a kukema adiye wenzela bana ba bantu.+ 32  Bamusamune mu tshisumbu tshia bantu,+Ne bamutumbishe mu tshipangu* tshia bakulu. 33  Udi ukudimuna misulu ilua tshipelaNe mishimi ya mâyi ilua buloba bume bikole,+ 34  Buloba bua bufuke bulua buloba buatuke bua mukele,+Bua malu mabi a badi basombelamu. 35  Udi ukudimuna tshipela tshilua majiba a mâyi adi ne malenge,Ne buloba bume bulua mishimi ya mâyi.+ 36  Udi usombeshamu badi ne nzala,+Bua base tshimenga tshidibu mua kusombela.+ 37  Badi badima madimi ne badima madimi a tumuma tua mvinyo+Adi akuama bintu bia bungi.+ 38  Yeye udi ubabenesha ne badi bavulangana bikole;Kena ulekela bisumbu biabu bia nyama bikepela.+ 39  Kadi badi bakepela kabidi ne bapuekeshibua milongoBua dikengeshibua, bua dikenga, ne bua kanyinganyinga. 40  Udi witshikijila bantu banene dipetu,Ne ubatambakaja mu maloba matuke adi kaayi ne tujila.+ 41  Kadi yeye udi ulama* bapele ku dikenga+Ne wenza bua mêku abu avule anu bu bisumbu bia nyama. 42  Bantu bakane badi bamona bualu ebu ne basanka;+Kadi bantu babi bonso badi bakanga mukana muabu.+ 43  Muntu udi ne meji neatumikile malu aa+Ne neakonkonone bienzedi bia Yehowa bia dinanga dia lulamatu ne meji onso.+

Note

Anyi “mupikule.”
Anyi “bukokeshi bua.”
Anyi “Ba kudi dîba dipatukila ne ba kudi dîba dibuelela.”
Anyi “Anyima wabu uvua.”
Anyi “anyima udi muume.”
Anyi “anyima udi ne nzala.”
Anyi “Anyima wabu wakakina biakudia bionso.”
Anyi “Anyima.”
Ku mua.: “tshisombelu.”
Anyi “uteka kuulu,” mmumue ne: kudi bantu kabayi mua kufika.