Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 104:1-35

MALU ADI MU MUKANDA EU

  • Ditumbisha Nzambi bua bintu bia dikema bia mu bufuki

    • Buloba budi bushalaku kashidi (5)

    • Mvinyo ne diampa bua muntu ufuafua eu (15)

    • “Ke mudi midimu yebe ya bungi nunku!” (24)

    • ‘Padi nyuma wangatshibua, bidi bifua’ (29)

104  Meme* ntumbishe Yehowa.+ Yehowa Nzambi wanyi, wewe udi munene bikole.+ Udi muvuale bunene* ne butumbi.+   Butoke mbukujingile+ anu bu tshilamba;Udi wolola diulu bu tshilamba tshia ntenta.+   Yeye udi uteka mikamba ya nzubu yende ya muulu mu mâyi a muulu,*+Uvuija matutu ditempu diende,+Wendela pa mapuapua a lupepele.+   Yeye udi uvuija banjelu bende nyuma,Ne bena mudimu bende kapia kadi kashidisha.+   Mmujadike buloba pa bishimikidi biabu;+Kabuakumbushibua pa muaba wabu* kashidi ne tshiendelele.+   Wewe uvua mububuikile ne mâyi male anu bu tshilamba.+ Mâyi akimana pa mutu pa mikuna.   Paudi utanda adi anyema;+Adi anyema bipapu bua mukungulu wa dikubakuba diebe   (Mikuna yakabanda muulu+ ne bibandabanda biakapueka panshi)Too ne muaba uuvua mualongoluele.   Wakateka mukalu udiwu kaayi mua kusambuka+Bua kaalu kabidi kubuikila buloba nansha. 10  Yeye udi utuma mishimi ya mâyi mu bibandabanda;*Idi ipuekela pankatshi pa mikuna. 11  Idi ipesha nyama yonso ya tshisuku ya mu mpata mâyi;Mpunda ya tshisuku idi ijikija nyota yayi. 12  Nyunyi ya muulu yidi yikishila pa mutu payi;Yidi yimba misambu munkatshi mua mabeji a mitshi mashitakane. 13  Yeye udi wela mikuna mâyi kumbukila mu nzubu yende ya muulu.+ Buloba budi bukuta ne bintu bia ku midimu yebe.+ 14  Yeye udi umeneshila nyama bisonsaNe bikunyibua bua kuambuluisha bantu,+Bua kumenesha biakudia pa buloba 15  Ne mvinyo udi usankisha muoyo wa muntu,+Ne mafuta adi akenkesha mpala,Ne diampa didi dikuatshisha muoyo wa muntu ufuafua.+ 16  Mitshi ya Yehowa mmiukute,Sedre ya mu Lebanona ivuaye mukune, 17  Mudi nyunyi yenzela masua. Nzubu wa kasonga nyunyi+ udi mu mitshi ya jenevriye. 18  Mikuna mile nya mbuji ya ku mikuna;+Mikuna ya mabue idi tshisokomenu tshia nsenji.+ 19  Mmuenze ngondo bua kuleja bikondo bikosa;Dîba ndimanye bimpe tshikondo tshia kubuela.+ 20  Wewe udi ufila mîdima, ne butuku budi buila,+Padi nyama ya tshisuku ya muitu itambakana. 21  Bana ba ntambue* badi bakungula bua nyama ya kukuatabu+Ne badi bakeba tshiakudia tshiabu kudi Nzambi.+ 22  Padi dîba dipatuka,Badi bapingana miaba itubu basombela ne balala. 23  Muntu udi uya ku mudimu wende,Ne udi wenza mudimu mukole too ne dilolo. 24  Yehowa, ke mudi midimu yebe ya bungi nunku!+ Udi muyenze buonso buayi ne meji.+ Buloba mbuwule tente ne biudi muenze. 25  Kudi mbuu, munene mualabale,Muwule ne bintu bidi ne muoyo bungi kabuyi kubala, bikese ne binene.+ 26  Mazuwa a pa mâyi adi endelapu,Ne Leviyatane*+ uuvua mufuke bua kunayilamu. 27  Buonso buabi mbikuindile weweBua kubipesha biakudia biabi mu tshikondo tshiabi.+ 28  Bidi bisangisha bintu biudi ubipesha.+ Paudi ubulula tshianza tshiebe, bidi biukuta ne bintu bimpe.+ 29  Paudi usokoka mpala webe, bidi bipampakana. Wewe muangate nyuma wabi, bidi bifua, bipingana ku lupuishi.+ 30  Wewe mutume nyuma webe, bidi bifukibua,+Ne udi uvuija buloba bupiabupia tshiakabidi. 31  Butumbi bua Yehowa nebushalaku kashidi. Yehowa neasanke bua midimu yende.+ 32  Yeye udi utangila buloba, budi bukanka;Udi ulenga mikuna, idi ifuima muishi.+ 33  Nengimbile Yehowa+ matuku anyi onso a muoyo;Nengimbe misambu ya kutumbisha nayi* Nzambi wanyi matuku onso andi ne muoyo.+ 34  Meji anyi amusankishe.* Nensankile mu Yehowa. 35  Benji ba mpekatu nebajimine pa buloba,Ne bantu babi kabakuikalaku kabidi nansha.+ Meme* ntumbishe Yehowa. Tumbishayi Yah!*

Note

Anyi “Anyima wanyi.”
Anyi “bunême.”
Ku mua.: “mu mâyi.”
Anyi “kabuakunyungana.”
Anyi “tusulu tua tshilonda nkoka.”
Anyi “bana ba ntambue ba misalala.”
Tang. Diumv.
Anyi “mijiki bua.”
Anyi pamuapa: “Meji andi ngelangana bua bualu buende ikale malengele.”
Anyi “Anyima wanyi.”
Anyi “Aleluya!” “Yah” ntshikepeshilu tshia dîna dia Yehowa.