Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 103:1-22

MALU ADI MU MUKANDA EU

  • “Meme ntumbishe Yehowa”

    • Nzambi udi usemeja mpekatu yetu kule (12)

    • Luse lua Nzambi ludi bu lua tatu (13)

    • Nzambi udi uvuluka ne: tudi lupuishi (14)

    • Nkuasa wa bukalenge wa Yehowa ne bukokeshi buende (19)

    • Banjelu badi bakumbaja dîyi dia Nzambi (20)

Wa Davidi. 103  Meme* ntumbishe Yehowa;Bintu bionso bidi munda muanyi bitumbishe dîna diende dia tshijila.   Meme* ntumbishe Yehowa;Tshipu bionso bidiye muenze muoyo musangu nansha umue.+   Yeye udi ukubuikidila bilema biebe bionso+Ne wondopa masama ebe onso;+   Udi ulomba tshina* muoyo webe+Ne ukuvuadika dinanga diende dia lulamatu ne luse luende bu tshifulu tshia bukalenge.+   Udi ukukutshisha ne bintu bimpe+ matuku ebe onso a muoyo,Bua upetulule bunsonga anu bu bua mukanku.+   Yehowa udi wenza malu ne buakane+ ne kulumbuluisha kuakaneBua bonso badibu bakengesha.+   Wakamanyisha Mose njila yende,+Ne bana ba Isalele bienzedi biende.+   Yehowa udi ne luse ne udi uditeka pa muaba wa bakuabu,*+Kena ukuata tshiji lukasa ne mmuwule tente ne dinanga dia lulamatu.*+   Kakuikala anu utulangana bilema,+Peshi ushala mulaminangane munda bua kashidi to.+ 10  Ki mmutuenzele malu bilondeshile mpekatu yetu,+Peshi mutupingajile tshivua tshikumbanyine bilema bietu to.+ 11  Bualu anu bu mudi diulu ditumbuke kupita bulobaKe mudi dinanga diende dia lulamatu dinene kudi badi bamutshina.+ 12  Anu bu mudi kudi dîba dipatukila kuikale kule menemene ne kudi dîba dibuelelaKe mudiye musemeje dishipa dietu dia mikenji kule menemene netu.+ 13  Anu bu mudi tatu ufuila bana bende luse,Yehowa mmufuile badi bamutshina luse.+ 14  Bualu mmumanye bimpe mutudi benjibue,+Uvuluka ne: tudi lupuishi.+ 15  Bua muntu ufuafua, matuku ende adi bu a bisonsa;+Udi utumpuka bu tshilongo tshia mu mpata.+ 16  Kadi padi lupepele lututa, katshienaku kabidi,Bienze anu bu ne: katshivuaku to.* 17  Kadi dinanga dia lulamatu dia Yehowa ndia kashidi ne tshiendelele*Kudi badi bamutshina,+Ne buakane buende kudi bana ba bana babu,+ 18  Kudi badi balama tshipungidi tshiende+Ne badi badimuke bua kutumikila mêyi ende matuma. 19  Yehowa mmujadike bikole nkuasa wende wa bukalenge mu diulu;+Ne bukalenge buende budi bukokesha bintu bionso.+ 20  Tumbishayi Yehowa, nuenu banjelu bende bonso+ badi bilobo bia bukole,Badi bakumbaja dîyi diende,+ batumikila tshidiye wamba.* 21  Tumbishayi Yehowa, nuenu biluilu biende bionso,+Bena mudimu bende badi benza disua diende.+ 22  Tumbishayi Yehowa, nuenu midimu yende yonsoMu miaba yonso idiye ukokesha.* Meme yonso mujima* ntumbishe Yehowa.

Note

Anyi “Anyima wanyi.”
Anyi “Anyima wanyi.”
Anyi, “lukita.”
Anyi “udi ne muoyo muimpe.”
Anyi “luse lujalame.”
Ku mua.: “Ne muaba watshi kawena utshimanya kabidi.”
Anyi “katshia ku bikondo bia tshiendelele too ne ku bikondo bia tshiendelele.”
Ku mua.: “bumvua tshiona tshia (mukungulu wa) dîyi diende.”
Anyi “miaba ya bumfumu buende butambe bunene.”
Anyi “Anyima wanyi.”