Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Lumu luimpe lufunda kudi Matayi 1:1-25

MALU ADI MU MUKANDA EU

  • Mulongo wa bankambua ba Yezu Kristo (1-17)

  • Diledibua dia Yezu (18-25)

1  Mukanda wa malu a mu nsombelu* wa Yezu Kristo,* muana wa Davidi,+ muana wa Abalahama:+   Abalahama wakalela Izaka;+Izaka wakalela Yakoba;+Yakoba wakalela Yuda+ ne bana babu;   Yuda wakalela Pelese ne Zela,+ mamuabu uvua Tamâ;Pelese wakalela Heselona;+Heselona wakalela Lama;+   Lama wakalela Aminadaba;Aminadaba wakalela Nashona;+Nashona wakalela Salamona;   Salamona wakalela Boaza, mamuende uvua Lahaba;+Boaza wakalela Obeda, mamuende uvua Luta;+Obeda wakalela Yishai;+   Yishai wakalela mukalenge Davidi.+ Davidi wakalela Solomo,+ wakalelaye ne mukaji wa Uliya;   Solomo wakalela Lehabama;+Lehabama wakalela Abiya;Abiya wakalela Asa;+   Asa wakalela Yehoshafata;+Yehoshafata wakalela Yolama;+Yolama wakalela Uziya;   Uziya wakalela Yotama;+Yotama wakalela Ahaza;+Ahaza wakalela Hizikiya;+ 10  Hizikiya wakalela Manashe;+Manashe wakalela Amona;+Amona wakalelaYoshiya;+ 11  Yoshiya+ wakalela Yekonya+ ne bana babu tshikondo tshivuabu baye nabu ku Babilona.+ 12  Panyima pa diya nabu ku Babilona, Yekonya wakalela Shalatiele;Shalatiele wakalela Zelubabela;+ 13  Zelubabela wakalela Abihuda;Abihuda wakalela Eleyakima;Eleyakima wakalela Azô; 14  Azô wakalela Sadoka;Sadoka wakalela Akime;Akime wakalela Eliyuda; 15  Eliyuda wakalela Eleazâ;Eleazâ wakalela Matana;Matana wakalela Yakoba; 16  Yakoba wakalela Jozefe bayende wa Mariya wakalela Yezu+ udibu babikila ne: Kristo.+ 17  Nunku, bipungu bionso bia bantu, kumbukila ku Abalahama too ne ku Davidi, bivua bipungu bia bantu 14; kumbukila ku Davidi too ne ku diya nabu ku Babilona, bipungu bia bantu 14; kumbukila ku diya nabu ku Babilona too ne ku Kristo, bipungu bia bantu 14. 18  Kadi diledibua dia Yezu Kristo divua nunku: tshikondo tshivuabu babangile mamuende Mariya kudi Jozefe, wakapeta* difu ku bukole bua nyuma muimpe*+ kumpala kua kudisangabu kaba kamue. 19  Kadi bu muvua bayende Jozefe muntu muakane ne kayi musue kumuela patoke, wakapangadija bua kumubenga mu musokoko.+ 20  Kadi yeye mumane kuelangana meji a malu aa, monayi! muanjelu wa Yehowa* wakamumuenekela mu tshilota, wamba ne: “Jozefe, muana wa Davidi, kutshinyi bua kuya ne mukajebe Mariya kuebe, bualu tshidi tshimitshibue* munda muende ntshia ku nyuma muimpe.*+ 21  Yeye nealele muana wa balume ne udi ne bua kumuinyika ne: Yezu,*+ bualu yeye neapandishe bantu bende ku mpekatu yabu.”+ 22  Bulelela malu onso aa akenzeka bua kukumbaja mêyi avua Yehowa* muambe mukana mua muprofete wende, wamba ne: 23  “Tangilayi! Nsongakaji utshidi kamama neimite difu, nealele muana wa balume, nebamuinyike ne: Emanuele,”+ padibu bakudimuna biumvuija ne: “Nzambi udi netu.”+ 24  Nunku, Jozefe wakabika ku tulu, kuenzaye muvua muanjelu wa Yehowa* mumuambile bua kuenza, kuyaye ne mukajende kuende. 25  Kadi kakasangila nende, too ne pakalelaye muana wa balume,+ kumuinyikaye ne: Yezu.+

Note

Anyi “mulongo wa bankambua.”
Anyi “Masiya; Muela manyi.”
Ku mua.: “bakamusangana ne.”
Anyi “bukole buenzeji.” Tang. Diumv.
Eu ke muaba wa kumpala wa ku miaba 237 ya mu Mifundu ya tshiena Greke ya buena Kristo idi dîna dia Nzambi Yehowa disanganyibua mu Bible eu. Tang. Tshis. A5.
Anyi “tshiledibue.”
Anyi “spiritu munsantu; nyuma wa tshijila.” Tang. Diumv.
Dîna edi didi dipetangana ne dîna dia mu tshiena Ebelu dia Yeshua, anyi Yoshua, didi diumvuija ne: “Yehowa udi lupandu.”