Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Hoshea 8:1-14

MALU ADI MU MUKANDA EU

  • Dipeta bipeta bia ditendelela mpingu (1-14)

    • Dikuna lupepele, dipuola tshipepele tshikole (7)

    • Isalele mmupue Mufuki wende muoyo (14)

8  “Teka mpungi ku mishiku yebe!+ Muntu udi ulua bu nyunyi wa mukanku bua kuluisha nzubu wa Yehowa,+Bualu bobu mbanyange tshipungidi tshianyi+ ne mbashipe mikenji yanyi.+   Badi bandidila ne: ‘Nzambi wetu, tuetu, Isalele, tudi bakumanye!’+   Isalele mmubenge malu adi mimpe.+ Muena lukuna amulondakaje.   Mbateke bakalenge, kadi kabiyi ku butuangaji buanyi. Mbateke bakokeshi, kadi meme tshivua mubamanye to. Mbenze mpingu ne arjan ne or yabu,+Bua dibutuka diabu bobu bine.+   Mbabenge muana wa ngombe webe, wewe Samalea.+ Tshiji tshianyi tshidi tshibatemena.+ Nebapangile kuikala kabayi ne tshilumbu* too ne dîba kayi?   Bualu yeye udi ufumina kudi Isalele. Nsenda wakamuenza, ne kena Nzambi to;Muana wa ngombe wa Samalea nebamusunsule.   Bualu bobu badi bakuna lupepele,Ne nebapuole tshipepele tshikole.+ Tshikolakola nansha tshimue katshiena tshipatula ntete idi mikole;*+Tshintu tshionso tshidi tshitoloka katshiena tshipatula bukula. Tshintu tshiotshi tshikuame, bantu ba ku babende* nebatshimine.+   Nebamine Isalele.+ Mpindieu, bobu nebikale munkatshi mua bisamba+Bu luesu ludi kaluyi ne mushinga.   Bualu mbabande ku Ashû+ bu mpunda wa tshisuku wa tshienda nkaya. Efelayima mmuangate bananga bende ku mudimu.+ 10  Nansha mudibu babangata ku mudimu munkatshi mua bisamba,Mpindieu nembasangishe pamue;Nebatuadije kukenga+ bua bujitu budibu babambike kudi mukalenge ne bakokeshi. 11  Bualu Efelayima mmuvudije bioshelu bua kuenza mpekatu.+ Mbilue bioshelu biende bua kuenza mpekatu.+ 12  Mvua mumufundile malu a bungi mu mukenji wanyi,*Kadi bobu bakaangata bu tshintu tshienyi.+ 13  Badi bandambula mapa a mulambu, ne badia munyinyi,Kadi Yehowa kena usanka bua bintu ebi to.+ Mpindieu nemvuluke tshilema tshiabu ne nembapeshe dinyoka bua mpekatu yabu.+ Bobu mbapingane* mu Ejipitu.+ 14  Isalele mmupue Mufuki wende muoyo+ ne mmuibake ntempelo ya bungi,+Yuda mmuvudije bimenga bikolesha.+ Kadi nentume kapia mu bimenga biende,Ne koku nekoshe nzubu ya tshimenga ne tshimenga.”+

Note

Anyi “bukezuke.”
Anyi “idi mimane.”
Anyi “benyi.”
Anyi “dilongesha dianyi.”
Anyi pamuapa: “nebalukile.”