Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Hoshea 7:1-16

MALU ADI MU MUKANDA EU

  • Badi bumvuija malu mabi a Efelayima (1-16)

    • Kakuena mushindu wa kupanduka mu bukondo bua Nzambi (12)

7  “Mu tshikondo tshindi ne bua kuondopa Isalele,Tshilema tshia Efelayima tshidi tshiedibua patshi patoke,+Ne malu mabi a Samalea.+ Bualu badi bakula anu malu a dishima;+Bivi badi babumbula nzubu ne bisumbu bia benzavi bidi bibundangana pambelu.+   Kadi kabena bamba mu muoyo wabu ne: meme nemvuluke malu mabi abu onso.+ Mpindieu bienzedi biabu mbibanyunguluke;Bidi buludiludi kumpala kuanyi.   Badi basankisha mukalenge ku malu mabi abu,Ne bakokeshi ku dishima diabu.   Buonso buabu mbena masandi,Batema bu mfulu mutemesha kudi muoshi wa mampa,Udi ulekela kusonsola kapia yeye mumane kusopa bukula too ne padibu butuntumuka.   Mu dituku dia mukalenge wetu, bakokeshi mbasame,Mbafiike munda bikole bua bualu bua mvinyo.+ Yeye mmuoluele basekianganyi tshianza tshiende.   Bualu badi basemena ne mioyo itema bu mfulu.* Muoshi wa mampa udi ulala butuku bujima;Mu dinda mfulu udi ulakuka bu kapia kadi kalakuka.   Buonso buabu mbakuate kapia bu mfulu,Ne badi badia bakokeshi* babu. Bakalenge babu bonso mbakuluke;+Nansha umue wa munkatshi muabu kena umbikila to.+   Efelayima udi udisangisha ne bisamba.+ Efelayima udi bu mukata wa tshijengu mushale kawuyi mukudimuna.   Benyi mbadie bukole buende,+ kadi yeye kena umanya bualu ebu. Ne nsuki yende mmilue mitoke, kadi yeye kena umanya bualu ebu. 10  Lutambishi lua Isalele ndumutuishe,+Kadi bobu ki mbapingane kudi Yehowa Nzambi wabu,+Ki mbamukebe nansha mudiku malu onso aa. 11  Efelayima udi bu nyunyi wa nkutshi mutatakane udi kayi ne lungenyi lujalame.*+ Bobu mbele Ejipitu dîyi;+ mbaye ku Ashû.+ 12  Kuonso kudibu baya, meme nembele bukondo buanyi. Nembatulule panshi bu nyunyi ya muulu. Nembanyoke bilondeshile didimuija diakadimuijabu tshisumbu tshiabu.+ 13  Diakabi diabu, bualu mbannyeme! Kabutu kabakuate, bualu mbashipe mikenji yanyi! Nkavua pabuipi bua kubakuula, kadi mbanshiminyine malu.+ 14  Kabavua bambikile ne muoyo wabu bua kubambuluisha,+Nansha muvuabu batungunuke ne kuela kabobo ka muadi pa malalu abu. Bua lutete luabu ne mvinyo wabu mupiamupia nebaditape;Badi bankudimukila. 15  Nansha mumvua mubanyoke ne mukoleshe maboko abu,Badi banduisha, bapangadija malu mabi. 16  Bavua bashintulule njila, kadi ki mbafike ku tshintu tshitumbuke* nansha tshimue to;Kabavua ba kueyemena anu bu buta bua mikete butekete.+ Bakokeshi babu nebakuluke ku muele wa mvita bua ndimi yabu ya bupote. Bua bualu ebu nebalue tshintu tshia kusekabu mu buloba bua Ejipitu.”+

Note

Anyi pamuapa: “Bualu mioyo yabu idi bu mfulu padibu basemena ne mayele abu.”
Ku mua.: “balumbuluishi.”
Ku mua.: “udi kayi ne muoyo wa munda.”
Mmumue ne: ki nku mushindu kampanda mutumbuke wa ntendelelu.