Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Hoshea 10:1-15

MALU ADI MU MUKANDA EU

  • Isalele, muonji wa tumuma tua mvinyo udi munyanguke, neabutudibue (1-15)

10  “Isalele udi muonji wa tumuma tua mvinyo munyanguke* udi ukuama tumuma tuawu.+ Padi tumuma tuende tuvula, yeye udi uvudija bioshelu biende;+Padi buloba buende bupatula bintu bimpe menemene, makunji ende a tshijila adi alengela bikole.+   Muoyo wabu udi ne lubombo;*Mpindieu nebalue bena tshibawu. Kudi muntu watshibula bioshelu biabu ne wupula makunji abu.   Mpindieu bobu nebambe ne: ‘Katuena ne mukalenge,+ bualu katuena batshine Yehowa. Ne ntshinyi tshidi mukalenge mua kutuenzela?’   Badi bakula biakulakula, baditshipa mitshipu ya dishima,+ ne badia bipungidi;Nunku dilumbuluisha didi dipatuka didi bu bisonsa bia mulungu mu mabula a mu budimi.+   Bantu badi basombele mu Samalea nebatshine lupingu lua muana wa ngombe lua ku Bete-awena.+ Bantu balu nebaludile,Anu muadilabu kudi bakui-di ba nzambi wa ku babende bavua basanke bua bualu bualu, ne bua butumbi bualu,Bualu nelumbuke kudibu luya ku babende.   Nebaye nalu ku Ashû bu dipa dia mukalenge munene.+ Efelayima neafuishibue bundu,Ne Isalele neakuatshike bundu bua lungenyi luvuaye mulonde.+   Samalea ne mukalenge wende nebashipibue,*+Bu ditamba diapula pa mutu pa mâyi.   Miaba mitumbuke ya ku Bete-awena,+ mpekatu wa Isalele,+ neyibutudibue.+ Mêba ne bisonsa bia nyiny’a tshisonga* nebitoloke pa bioshelu biabu.+ Bantu nebambile mikuna minene ne: ‘Tubuikilayi!’ Ne nebambile mikuna mikese ne: ‘Tupukilayi!’+   Udi muenze mpekatu katshia ku matuku a Gibea,+ wewe Isalele. Mbatungunuke kuoku aku. Mvita kayivua mikuate* bana ba malu mabi mu Gibea to. 10  Nembanyoke kabidi pandi musue. Ne bukua bantu nebudisangishe bua kubaluisha,Padibu basuikakaja bilema biabu bibidi kudibu.* 11  Efelayima uvua bu lukungulu lua ngombe lulongesha luvua lunange kushipula,Nunku ngakepula nshingu walu muimpe. Mpindieu nengenze bua muntu endeshe* Efelayima.+ Yuda neadime; Yakoba neamubunduluile buloba. 12  Dikunyinayi ntete mu buakane ne puolayi dinanga dia lulamatu. Dimayi buloba buimpe+ Patshidiku tshikondo tshia kukeba Yehowa,+Too ne padiye ulua ne unulongesha mu buakane.+ 13  Kadi nudi badime malu mabi,Nudi bapuole malu adi kaayi makane,+Ne nudi badie mamuma a didinga;Bualu nudi beyemene njila wenu,Ne musumba wa bena mvita benu. 14  Diyoyo nedijukile tshisamba tshienu,Ne bimenga bienu bikolesha nebibutudibue bionso,+Bu kubutula kua nzubu wa Âbela kudi Shalamana,Mu dituku dia mvita pavuabu basunsule bamamu pamue ne bana babu. 15  Ke tshiakuenzelabu, wewe Betele,+ bua malu ebe mabi menemene. Bushuwa nebashipe* mukalenge wa Isalele patshiatshia.”+

Note

Anyi pamuapa: “udi mulambe bikole.”
Anyi “busenu; bufinu.”
Ku mua.: “nebapuwishibue.”
Anyi “nsasanganyi.”
Anyi “mibutule butubutu.”
Mmumue ne: padibu bambula dinyoka diabu bu mutshi wa tshikokedi.
Anyi “asuike mikaba pa.”
Ku mua.: “nebapuwishe.”