Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Habakuka 1:1-17

MALU ADI MU MUKANDA EU

  • Didila dia muprofete ulomba diambuluisha (1-4)

    • “Yehowa wanyi, too ne dîba kayi?” (2)

    • “Bua tshinyi udi ulekela dikengeshangana?” (3)

  • Bena Kasada, tshiamu tshia mudimu tshia Nzambi bua dilumbuluisha (5-11)

  • Muprofete udi utendekena Yehowa (12-17)

    • ‘Nzambi wanyi, wewe kutu ufua to’ (12)

    • ‘Wewe udi mukezuke kezukezu kuyi mua kutangila bualu bubi’ (13)

1  Dîyi divua muprofete Habakuka* mupete mu tshikena kumona didi ne:   Yehowa wanyi, too ne dîba kayi dindi ne bua kudila ndomba diambuluisha, kadi wewe kuyi uteleja?+ Too ne dîba kayi dindi ne bua kulomba diambuluisha bua malu a tshikisu, kadi wewe kuyi wenza bualu?*+   Bua tshinyi udi ummueneshisha malu mabi? Ne bua tshinyi udi ulekela dikengeshangana? Bua tshinyi kabutu ne malu a tshikisu bidi kumpala kuanyi? Ne bua tshinyi matandu ne diluishangana bidi bivula?   Kabidi, mbatekeshe bukole bua mukenji,Ne kabena bakumbaja kulumbuluisha kuakane nansha. Bualu muntu mubi udi unyunguluka muntu muakane;Ke bualu kayi mbakonyangaje kulumbuluisha kuakane.+   “Tangilayi munkatshi mua bisamba ne teyayi ntema! Tangilayi nukema ne katshilayi;Bualu, bualu nebuenzeke mu matuku enuBunuabenga kuitaba nansha bikalabu banuambilabu.+   Bualu, mona ndi njula bena Kasada,+Tshisamba tshidi katshiyi ne luse, tshidi tshienza malu lukasa lukasa. Badi babutula bitupa binene bialabale bia bulobaBua kunyenga nzubu idi kayiyi yabu.+   Badi batshinyishangana ne bakuatshishangana buôwa. Badi baditekela kuabu kulumbuluisha ne buabu bukokeshi.*+   Tubalu tuabu tudi ne lubilu kupita nkashama,Ne badi ne luonji lukole kupita mbua ya ditu butuku.+ Tubalu tuabu tua mvita tudi tudiela kumpala;Tubalu tuabu tudi tufumina kule. Tudi tupueka lubilu bu nyunyi wa mukanku udi uya lubilu bua kudia.+   Buonso buabu badi balua ne lungenyi lutuma anu ku malu a tshikisu.+ Disangisha dia mpala yabu didi bu lupepele lua ku est,+Ne badi babakula badi bakuatshibue bu lusenga. 10  Badi bapetula bakalengeNe baseka bakokeshi banene.+ Badi baseka muaba mukolesha wonso;+Badi bimanyika dibula dia buloba ne bawukuata. 11  Pashishe, badi baya kumpala bu lupepele ne bapita ne njila,Kadi nebalue bena tshibawu,+Bualu badi bamba mudi bukole buabu bufumina kudi nzambi wabu.”*+ 12  Yehowa wanyi, wewe kuenaku katshia ku bikondo bia tshiendelele anyi?+ Nzambi wanyi, Wa Tshijila wanyi, wewe kutu ufua*+ to. Yehowa wanyi, wakabasungula bua kulumbuluisha;Dibue dianyi,+ wewe wakabateka bua kunyoka.*+ 13  Mêsu ebe mmakezuke kezukezu kaayi mua kutangila bualu bubi,+Ne wewe kuena mua kuitaba malu mabi.+ Kadi bua tshinyi udi ulekela bena tshitunguNe ushala mupuwe padi muntu mubi umina muntu udi muakane kumupita?+ 14  Bua tshinyi udi uvuija muntu bu mishipa ya mu mbuu,Bu bintu bidi bidikoka panshi bidi kabiyi ne mfumu? 15  Yeye* udi ubajudila buonso buabu ku ndobo. Udi ubakuata mu kapamba kende,Ne udi ubasangisha mu bukondo buende bua mishipa. Ke bualu kayi udi usanka bikole.+ 16  Ke bualu kayi udi upesha kapamba kende milambuNe ulambula bukondo buende bua mishipa milambu;*Bualu ku diambuluisha diayi tshitupa tshiende ntshilengele,*Ne biakudia biende mbitambe buimpe. 17  Nunku, yeye neatungunuke ne kupatula bintu bia mu kapamba kende anyi?* Yeye neatungunuke ne kushipa bisamba kakuyi luse anyi?+

Note

Diumvuija pamuapa: “Dielangana tshitupa bikole.”
Anyi “upandisha.”
Anyi “bunême.”
Anyi pamuapa: “nzambi wabu muikale bukole buabu.”
Anyi pamuapa: “ tuetu katuakufua to.”
Anyi “bua kubela.”
Mmumue ne: muluishi muena Kasada.
Anyi “muishi wa mulambu.”
Ku mua.: “ntshia manyi.”
Anyi pamuapa: “neatungunuke ne kutula muele wende wa mvita anyi?”