Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Genese 48:1-22

MALU ADI MU MUKANDA EU

  • Yakoba udi ubenesha bana babidi ba Jozefe (1-12)

  • Efelayima udi upeta dibenesha dinene (13-22)

48  Pakapita malu aa, bakambila Jozefe ne: “Mona, tatu webe ukadi wenda utshioka.” Ke Jozefe kuyaye ne bana bende babidi, Manashe ne Efelayima.+  Pashishe bakambila Yakoba ne: “Muanebe Jozefe nyeye eu mulue kukumona.” Nunku Isalele wakadikolesha, kusombaye pa bulalu buende.  Yakoba wakambila Jozefe ne: “Nzambi Wa Bukole Buonso wakammuenekela ku Luza mu buloba bua Kanâna ne wakambenesha.+  Wakangambila ne: ‘Nengenze bua ulele bana, nenkuvudije, ne nenkuvuije tshisumbu tshia bukua bisamba,+ ne nempeshe bana* bebe balua panyima pebe buloba ebu bua buikale buabu bua kashidi.’+  Mpindieu bana bebe babidi bavuabu bakulelele mu buloba bua Ejipitu kumpala kua meme kulua kuudi mu Ejipitu mbanyi.+ Efelayima ne Manashe nebikale banyi anu bu mudi Lubena ne Simeona.+  Kadi bana bakulelelabu panyima pabu nebalue bebe. Nebababikile mu dîna dia bana babu mu bumpianyi buabu.+  Kadi meme, pamvua mfumina ku Padana, Lakele wakafuila+ ku luseke luanyi mu buloba bua Kanâna, paku kutshivua ntanta mule kumpala kua kufika ku Efelata.+ Nanku ngakamujiika muaba au mu njila wa ku Efelata, mbuena kuamba ne: Beteleheme.”+  Pashishe Isalele wakamona bana ba Jozefe, kuebejaye ne: “Aba mbanganyi?”  Nunku Jozefe wakandamuna tatuende ne: “Mbana badi Nzambi mumpeshe kuneku.”+ Ke yeye kuamba ne: “Luaku nabu kundi bua mbabeneshe koku.”+ 10  Mêsu a Isalele akavua bitayitayi bua bukulakaja, katshivua mua kumona kabidi bimpe to. Nunku Jozefe wakalua nabu pabuipi nende, yeye kubatua mishiku, kubupukilaye. 11  Isalele wakambila Jozefe ne: “Tshivua ngela meji ne: mvua mua kumona mpala webe to,+ kadi mpindieu Nzambi mmuenze bua mmone too ne bana* bebe.” 12  Pashishe Jozefe wakabumbusha lua ku binu bia Isalele, yeye kuinama kutuaye mpala wende panshi. 13  Jozefe wakabakuata bonso babidi, Efelayima+ ku tshianza tshiende tshia balume bua ikale ku dia bakaji dia Isalele, ne Manashe+ ku tshianza tshiende tshia bakaji bua ikale ku dia balume dia Isalele, kubasemejaye pabuipi nende. 14  Kadi Isalele wakolola tshianza tshiende tshia balume, kutshitekaye pa mutu pa Efelayima nansha muvuaye muakunyi, kutekaye tshianza tshiende tshia bakaji pa mutu pa Manashe. Uvua mumanye tshivuaye mutekele bianza biende mushindu au, bualu Manashe ke uvua muanabute.+ 15  Pashishe wakabenesha Jozefe, kuambaye ne:+ “Nzambi mulelela uvua batatu banyi Abalahama ne Izaka bende kumpala kuende,+Nzambi mulelela udi mundame matuku anyi onso a muoyo too ne lelu,+ 16  Muanjelu udi munsungile ku makenga anyi onso,+ benesha bana aba.+ Babikidibue ku dîna dianyi ne ku dîna dia batatu banyi Abalahama ne Izaka,Bavulangane balue ba bungi pa buloba.”+ 17  Pakamona Jozefe ne: tatuende uvua anu muteke tshianza tshiende tshia balume pa mutu pa Efelayima, biakamutonda, nanku wakakuata tshianza tshia tatuende ukeba kutshiumbusha pa mutu pa Efelayima bua kutshiteka pa mutu pa Manashe. 18  Jozefe wakambila tatuende ne: “Tatu, kuenji nanku to, bualu eu ke muanabute.+ Teka tshianza tshiebe tshia balume pa mutu pende.” 19  Kadi tatuende uvua anu ubenga, wamba ne: “Ndi mumanye, muananyi, ndi mumanye. Yeye pende nealue tshisamba, yeye pende nealue munene. Nansha nanku, muakunyende nealue munene kumupita,+ ne bana* bende nebalue bungi bukumbanangane ne bua bisamba.”+ 20  Nunku wakatungunuka ne kubabenesha dituku adi,+ wamba ne: “Bena Isalele batele dîna diebe padibu babeneshangana, bamba ne:‘Nzambi akuvuije bu Efelayima ne bu Manashe.’” Nunku wakatungunuka ne kuteka Efelayima kumpala kua Manashe. 21  Pashishe Isalele wakambila Jozefe ne: “Tangila, nkadi mfua,+ kadi Nzambi neatungunuke bushuwa ne kuikala nenu ne neanupingaje mu buloba bua bankambua benu.+ 22  Kadi meme, ndi nkupesha tshitupa tshikuabu tshia buloba* kupita bana benu tshimvua munyenge ku tshianza tshia bena Amole ne muele wanyi wa mvita ne buta buanyi bua mikete.”

Note

Ku mua.: “dimiinu.”
Ku mua.: “dimiinu.”
Ku mua.: “dimiinu.”
Anyi “buloba bua pa mpulumuku.” Ku mua.: “dikaya dimue.”