Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Balumbuluishi 5:1-31

MALU ADI MU MUKANDA EU

  • Musambu wa ditshimuna wa Debola ne Balaka (1-31)

    • Mitoto iluangana ne Sisela (20)

    • Kasulu ka Kishona kadi kuwula (21)

    • Badi banange Yehowa badi bu dîba (31)

5  Dituku adi Debola+ ne Balaka+ muana wa Abinoama bakimba musambu eu:+   “Bua nsuki idi kayiyi misuika* mu Isalele,Bua bantu badi badifila ku budisuile,+Tumbishayi Yehowa!   Telejayi, nuenu bakalenge! Teyayi matshi, nuenu bakokeshi! Nengimbile Yehowa. Nengimbe misambu ya kutumbisha nayi* Yehowa,+ Nzambi wa Isalele.+   Yehowa, pauvua mumbuke ku Seî,+Pauvua muende, mupatuke mu buloba bua Edome,Buloba buakazakala, ne diulu diakapumuka,Mavuba akapumuna mâyi panshi.   Mikuna yakenguluka* ku mêsu kua Yehowa,+Nansha Sinai ku mêsu kua Yehowa,+ Nzambi wa Isalele.+   Mu matuku a Shamagâ+ muana wa Anata,Mu matuku a Yaele,+ njila yakashala munda mutupu;Bena ngendu bavua bayila anu mu njila ya kumpenga.   Bena mu misoko ya mu Isalele kabatshivuamu kabidi to;*Kabatshivuamu kabidi too ne pamvua meme, meme Debola+ mujuke,Too ne pamvua mujuke bu mamu mu Isalele.+   Bakasungula nzambi mipiamipia;+Nunku kuvua mvita ku biibi bia tshimenga.+ Ngabu nansha difuma kabivua mua kumueneka Munkatshi mua bantu binunu 40 mu Isalele.   Muoyo wanyi udi ne balombodi ba Isalele+Bavua baye ne bantu ku budisuile.+ Tumbishayi Yehowa! 10  Nuenu bendeshi ba mpunda mikunzubile,Nuenu badi basombe pa biseba binefuke,Ne nuenu badi bendela mu njila,Elanganayi meji! 11  Mêyi a babanyi ba mâyi akumvuika miaba ya kunuishila nyama mâyi;Bavua bakula kuntu aku bua bienzedi biakane bia Yehowa,Bienzedi biakane bia bena mu misoko yende mu Isalele. Pashishe bantu ba Yehowa bakapueka ku biibi bia tshimenga. 12  Bika, bika, wewe Debola!+ Bika, bika, wimbe musambu!+ Juka, Balaka!+ Lombola bantu baudi mukuate, wewe muana wa Abinoama! 13  Nunku bantu bavua bashale bakapueka kudi bantu banene;Bantu ba Yehowa bakapueka kundi bua kuluisha muntu wa bukole. 14  Bantu bavua bafumina mu Efelayima badi mu tshibandabanda;*Badi bakulonda, wewe Benyamina, munkatshi mua bantu bebe. Balombodi bakapueka bafumina mu Makî,+Ne bantu bavua ne bintu bia mufundi wa mêna a basalayi* mu Zebulona. 15  Bakokeshi ba mu Yisakâ bavua ne Debola,Anu muvua Yisakâ, ke muvua Balaka.+ Bakamutuma lua makasa mu tshibandabanda.*+ Mu biota bia Lubena muvua dikonkonona dikole dia mioyo. 16  Bua tshinyi uvua musombe pankatshi pa bibombi bibidi bia ku tshiseba tshitubu basombela pa nyima pa nyama,Ubateleja belela bisumbu bia mikoko yabu nshiba?+ Bua biota bia Lubena, kuvua dikonkonona dikole dia mioyo. 17  Gilada uvua mushale dia muamua dia Yadene;+Kadi Dana, bua tshinyi yeye uvua mushale ne mazuwa?+ Ashê uvua musombe ku muelelu kua mbuu kayi ne tshia kuenza,Ne uvua mushale pabuipi ne malobo* ende.+ 18  Bantu ba mu Zebulona bavua bateke mioyo yabu mu njiwu* bafuane kufua;Nafatale pende,+ miaba mitumbuke ya mu mpata.+ 19  Bakalenge bakalua, bobu kuluangana;Dîba adi bakalenge ba mu Kanâna bakaluangana+Mu Tanaka, pabuipi ne mâyi a Megido.+ Kabakangata tshintu nansha tshimue tshia arjan tshinyenga mu mvita.+ 20  Mitoto yakaluangana kumbukila mu diulu;Yakaluangana ne Sisela kumbukila mu njila yayi. 21  Kasulu ka Kishona kakabapuekesha,+Kasulu ka kale, kasulu ka Kishona. Wewe anyima* wanyi, uvua mudiatakaje muntu wa bukole. 22  Pashishe bikono bia tubalu tuende biakatuta panshi ne bukolePavua tubalu tuende tua mpanga tunyema lubilu lukole menemene.+ 23  Muanjelu wa Yehowa wakamba ne: ‘Elayi Meloze mulawu,Eyowa, elayi benamu mulawu,Bualu kabavua balue kuambuluisha Yehowa,Kuambuluisha Yehowa ne bantu ba bukole.’ 24  Muntu mukaji udi mutambe kubeneshibua udi Yaele+Mukaji wa Hebê+ muena Kene;Yeye udi mutambe kubeneshibua munkatshi mua bantu bakaji badi basombela mu ntenta. 25  Wakamulomba mâyi; yeye kumupesha mabele. Wakamupesha mabele makuatakane* mu tshibakudi tshinene.+ 26  Wakangata mpopo wa ku ntenta ne tshianza tshiende,Tshianza tshiende tshia balume tshiakangata nyindu wa mutshi wa muena mudimu. Wakapopela Sisela, kubozaye mutu wende,Ne wakatayisha nseke ya mutu wende, kuyitubululaye.+ 27  Wakadishinda munkatshi mua makasa ende; wakakuluka, kulalaye kayi unyunga;Wakadishinda munkatshi mua makasa ende, yeye kukuluka;Muaba uvuaye mudishindile, ke muaba uvuaye mukulukile, mutshimunyibue. 28  Mamu mukuabu udi utangidila pa dididishi,Mamuende wa Sisela udi utangidila pa masoso a ku dididishi,‘Bua tshinyi dikalu diende kadiena dilua lukasa? Bua tshinyi mikuma ya makalu ende kayena yumvuika too ne mpindieu?’+ 29  Bantu bakaji ba meji a bungi menemene ba mu bantu bakaji ba muende bakamuandamuna;Eyowa, yeye pende wakadiambila kabidi ne: 30  ‘Badi ne bua kuikala babanyangana bintu bia mu mvita bidibu bapete,Nsongakaji,* nsongakaji ibidi,* kudi muena mvita yonso,Tshilamba tshia dikala tshinyenga mu mvita bua Sisela, tshilamba tshia dikala tshinyenga mu mvita,Tshilamba tshilengeja ne manda, tshilamba tshia dikala, bilamba bibidi bilengeja ne mandaBua nshingu ya bapawudi.’ 31  Nunku bena lukuna bebe bonso bajimine,+ Yehowa,Kadi bantu badi bakunange bikale bu dîba didi dibanda mu butumbi buadi.” Nunku buloba buakashala mu dikisha* bidimu 40.+

Note

Anyi “bena mvita badi ne nsuki kayiyi misuika.”
Anyi “mijiki bua.”
Anyi pamuapa: “yakazakala.”
Anyi “bakajika.”
Anyi “tshibatabata.”
Anyi pamuapa: “bantu bavua benza mudimu ne bintu bia bafundi.”
Anyi “tshibatabata.”
Anyi “miaba ya kutudila.”
Anyi “bapepeje anyima yabu.”
Tang. Diumv.
Anyi “mabele a bujitu.”
Ku mua.: “Difu.”
Ku mua.: “mafu.”
Anyi “ditalala.”