Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Amosa 6:1-14

MALU ADI MU MUKANDA EU

  • Diakabi kudi badi kabayi batshiuka bualu! (1-14)

    • Malalu a mibanga; bibakudi bia mvinyo (4, 6)

6  “Diakabi dikale kudi bantu badi basombe talalaa* mu Siona,Kudi badi badiumvua mu bukubi mu mukuna wa Samalea,+Bantu banene ba mu bantu ba mushinga ba bisamba,Kudibu ke kudi nzubu wa Isalele ulua!   Sambulukayi nuye ku Kalene, numone. Umbukayi kuoku aku nuye ku Hamate munene,+Ne puekayi ku Gata wa bena Peleshete. Bimenga ebi bidiku bimpe kupita makalenge* aa anyi?Peshi buloba buabu budiku bunene kupita buenu anyi?   Nudi numbusha dituku dia dikenga mu meji enu+Ne nubueja dikokesha dia* malu a tshikisu anyi?+   Bobu badi balala pa malalu a mibanga+ ne badibaala pa bintu bia kulala,+Badia bimpanga bia mu tshisumbu tshia mikoko ne bana ba ngombe* ba manyi;+   Badi basaka misambu ku tshiona tshia lunzenze,*+Ne badi badienzela biombelu bia mijiki bu Davidi;+   Badi banuina mvinyo mu bitonga+Ne badi badilaba mafuta matambe buimpe. Kadi kabena baditatshisha bua* dikenga dia Jozefe to.+   Nunku, nebabakuate kuya nabu ku babende+ bikale kumpala kua bakuatshibue bakuabu,Ne bisankasanka bia bavua badibaale nebitue ku ndekelu.   ‘Mukalenge Mutambe Bunene Yehowa mmuditshipe mu dîna diende,’*+ ke mudi Yehowa Nzambi wa biluilu wamba,‘“Tshiena musue lutambishi lua Yakoba,+Ndi nkina bibumba biende bikolesha,+Ne nemfile tshimenga etshi ne bidi biuwulamu mu bianza bia baluishi batshi.+  “‘“Biashiyabu bantu dikumi mu nzubu umue, nebafue pabu. 10  Mulela wa muntu* nealue bua kubapatula ne kubosha umue ku umue. Yeye neapatule mifuba yabu mu nzubu; pashishe neambile muntu udi mu bibambalu bia munda mua nzubu ne: ‘Nudi ne muntu mukuabu muntu amu anyi?’ Yeye neambe ne: ‘Muntu kenamu!’ Pashishe yeye neambe ne: ‘Puwa! Bualu edi ki ndîba dia kutela dîna dia Yehowa nansha kakese.’” 11  Bualu Yehowa ke udi utuma dîyi,+Ne yeye neupule nzubu munene, umuvuija tshibuwa,Ne nzubu mukese, umuvuija mabuwa mabuwa.+ 12  Tubalu tutu tunyemena pa mukuna wa dibue anyi?Peshi muntu udi mua kudimapu ne ngombe anyi? Bualu nudi bavuije kulumbuluisha kuakane mutshi wa mulungu,Ne dimuma dia buakane mutshi wa bululu.*+ 13  Nudi nusanka bua bualu bua patupu,Ne nudi nuamba ne: “Katuena balue bantu ba bukole* ku makanda etu tuetu anyi?”+ 14  Nunku, nuenu ba mu nzubu wa Isalele, nennutumine tshisamba,’+ ke mudi Yehowa Nzambi wa biluilu wamba,‘Nebanukengeshe kumbukila ku Lebo-hamate*+ too ne ku Kasulu ka tshilonda nkoka* ka ku Alabâ.’”

Note

Anyi “kabayi batshuka bualu.”
Bimueneka ne: badi bakula bua bukalenge bua Yuda ne bua Isalele.
Ku mua.: “tshisombedi tshia.”
Anyi “bana balume ba ngombe.”
Anyi “tshiombelu tshia nshinga.”
Ku mua.: “kabavua basame bua.”
Anyi “anyima wende.”
Ku mua.: “Muanabu ne tatuende.”
Anyi “bululu.”
Ku mua.: “badiangatshile nsengu.”
Anyi “tshibuelelu tshia Hamate.”
Tang. Diumv.