Ndaku munda

Ndaku ku tshikebelu

Bantemu ba Yehowa

Sungula muakulu Tshiluba

Zekâya 2:1-13

MALU ADI MU MUKANDA EU

  • Tshikena kumona 3: Muntu muikale ne nshinga wa kupima nende bule (1-13)

    • Badi ne bua kupima Yelushalema (2)

    • Yehowa, “tshimanu tshia kapia ku nseke yonso” (5)

    • Kulenga kamonyi ka dîsu dia Nzambi (8)

    • Bisamba bia bungi nebidisangishe kudi Yehowa (11)

2  Ngakabandisha mêsu, meme kumona muntu muikale ne nshinga wa kupima nende bule+ mu tshianza tshiende.  Ke meme kukonka ne: “Udi uya penyi?” Yeye kuandamuna ne: “Ndi nya kupima Yelushalema bua kumona bunene budiye ne bule budiye.”+  Monayi! Muanjelu uvua uyukila nanyi wakapatuka, ne muanjelu mukuabu wakalua bua kusambakena nende.  Pashishe, yeye wakamuambila ne: “Ndaku lubilu muaba wawa, wambile nsongalume wawa ne: ‘“Yelushalema neikale ne bantu basombelamu+ bu ditunga dikale buashi dia ku butshika,* bua bantu bonso ne bimuna bionso bidi munda muende.+  Nunku, nendue kudiye,” ke mudi Yehowa wamba, “tshimanu tshia kapia ku nseke yonso,+ ne nendue butumbi munkatshi muende.”’”+  “Luayi! Luayi! Nyemayi mu buloba bua ku nord,”+ ke mudi Yehowa wamba. “Bualu ndi munutangalaje ku mpepele inayi ya mu diulu,”+ ke mudi Yehowa wamba.  “Luaku, Siona! Nyema, wewe udi musombe ne muana wa bakaji wa Babilona.+  Mona tshidi Yehowa wa biluilu, yeye uvua panyima pa mumane kutumbishibua* muntume kudi bisamba bivua bikupawula,+ wamba: ‘Muntu yonso udi ukulenga udi ulenga kamonyi ka dîsu dianyi.*+  Bualu mpindieu, nenkupe tshianza tshianyi bua kubaluisha, ne nebalue tshintu tshia kupawula kudi bapika babu.’+ Nunku, bushuwa nenufike ku dimanya ne: Yehowa wa biluilu mmuntume. 10  “Ela mbila ya disanka, wewe muana wa bakaji wa Siona;+ bualu ndi ndua,+ ne nensombe munkatshi muebe,”+ ke mudi Yehowa wamba. 11  “Bisamba bia bungi nebidisange kudi Yehowa dituku adi,+ ne bobu nebalue bantu banyi; ne nensombe munkatshi muebe.” Nunku, wewe neufike ku dimanya ne: Yehowa wa biluilu mmuntume kuudi. 12  Yehowa neangate Yuda bu tshiende tshitupa mu buloba bua tshijila, ne yeye neasungule kabidi Yelushalema.+ 13  Puwayi kumpala kua Yehowa, nuenu bukua bantu buonso,* bualu yeye udi wenza bualu kumbukila mu tshisombelu tshiende tshia tshijila.

Note

Mmumue ne: kadiyi dinyunguluka kudi bimanu.
Ku mua.: “panyima pa butumbi.”
Anyi “ulenga dîsu dianyi.”
Ku mua.: “misunyi yonso.”