Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Zekâya 11:1-17

MALU ADI MU MUKANDA EU

  • Bipeta bia dibenga mulami mulelela wa Nzambi (1-17)

    • “Lama mikoko idi mifundila dishipibua” (4)

    • Makombo abidi: Bulengele ne Buobumue (7)

    • Difutu dia mulami: bitupa 30 bia arjan (12)

    • Makuta mela mu tshibutshilu (13)

11  “Kangula biibi biebe, wewe Lebanona,Bua kapia kamone mua kuosha mitshi yebe ya sedre.   Ela kabobo ka muadi, wewe mutshi wa jenevriye, bualu mutshi wa sedre mmupuke;Mitshi minene mmibutudibue! Elayi kabobo ka muadi, nuenu mitshi ya nsanga ya ku Bashana,Bualu ditu dishitakane ndiye panshi!   Umvuayi! Kabobo ka muadi ka balami ba mikoko,Bualu butumbi buabu mbubutudibue. Umvuayi! Mukungulu wa bana ba ntambue,*Bualu bipuka bishitakane bia ku muelelu kua Yadene mbibutudibue.  “Mona tshidi Yehowa Nzambi wanyi wamba: ‘Lama mikoko idi mifundila dishipibua,+  ivuabu bashipe kudi bavua bayisumbe ne ki mbabapishe+ to. Badi bayipana+ badi bamba ne: “Yehowa atumbishibue, bualu nendue mubanji.” Balami bayi kabena bayumvuila luse nansha lukese.’+  “‘Bualu tshiakuleja kabidi bantu badi basombele mu buloba ebu luse nansha,’ ke mudi Yehowa wamba. ‘Nunku nenkuluishe muntu ne muntu mu tshianza tshia muinende ne tshia mukalenge wende; ne nebazaze buloba, ne tshiakubasungila mu tshianza tshiabu.’”  Nunku ngakatuadija kulama mikoko ivua mifundila dishipibua,+ bua bualu buenu, nuenu bakengeshibue ba mu tshisumbu tshia mikoko. Nanku ngakangata makombo abidi, meme kubikila dimue ne: Bulengele, ne dikuabu ne: Buobumue,+ ne ngakatuadija kulama mikoko.  Ngakipata balami ba mikoko basatu mu ngondo umue, bualu tshivua* kabidi nabu lutulu to, ne bobu* pabu bakankina.  Ngakamba ne: “Tshiakutungunuka ne kunulama to. Udi ufua, ufue, ne udi ujimina, ujimine. Kadi bua idi mishale, idiangane munyinyi.” 10  Nunku ngakangata dikombo dianyi: Bulengele,+ meme kudikosa, nshipa tshipungidi tshimvua mudie ne bukua bantu buonso. 11  Nunku tshiakashipibua dituku adi, ne bakengeshibue ba mu tshisumbu tshia mikoko bavua bantangila bakamanya ne: divua dîyi dia Yehowa. 12  Pashishe ngakabambila ne: “Nuenu bamone bikumbane, mpeshayi difutu dianyi; kadi biobi kabiyi bikumbane, sombayi nadi.” Bakafuta* difutu dianyi: bitupa bia arjan 30.+ 13  Pashishe Yehowa wakangambila ne: “Biela mu tshibutshilu, mushinga mutambe buimpe uvuabu batue bua bualu buanyi.”+ Nunku ngakangata bitupa bia arjan 30, meme kubiela mu tshibutshilu mu nzubu wa Yehowa.+ 14  Pashishe ngakakosa dikombo dianyi dibidi: Buobumue,+ nyanga malanda a buena muntu pankatshi pa Yuda ne Isalele.+ 15  Pashishe Yehowa wakangambila ne: “Mpindieu, angata bintu bia mudimu bia mulami wa mikoko wa patupu.+ 16  Bualu ndi ndekela mulami wa mikoko ujuka mu buloba. Yeye kakutabalela mikoko idi ijimina;+ kakukeba utshidi muana anyi kuondopa udi mutapike+ anyi kudiisha idi mikokeshe bua kuimana kuulu to. Kadi yeye neadie munyinyi wa mukoko wa manyi+ ne neapande bikono bia mikoko.+ 17  Diakabi dikale kudi mulami wanyi wa mikoko wa patupu,+ udi ulekela mikoko!+ Muele wa mvita newukume diboko diende ne dîsu diende dia balume. Diboko diende nedifubidile menemene,Ne dîsu diende dia balume nedifofome* kashidi.”

Note

Anyi “bana ba ntambue ba misalala.”
Anyi “anyima wanyi kavua.”
Anyi “anyima wabu.”
Ku mua.: “Bakapima bujitu bua.”
Ku mua.: “nedibuitshidile.”