Ndaku munda

Ndaku ku tshikebelu

Bantemu ba Yehowa

Sungula muakulu Tshiluba

Zekâya 10:1-12

MALU ADI MU MUKANDA EU

  • Lomba Yehowa mvula, kulombi nzambi ya dishima (1, 2)

  • Yehowa udi usangisha bantu bende mu buobumue (3-12)

    • Muntu munene wa mu nzubu wa Yuda (3, 4)

10  “Lombayi Yehowa mvula mu tshikondo tshia mvula wa ndekelu. Yehowa ke udi wenza matutu a mvula mukole,Yeye ke udi ubalokeshila mvula,+Ne yeye ke udi upesha muntu yonso bikunyibua mu budimi.   Bualu mpingu ya telafima* mmiambe malu a dishima;*Ne bena lubuku mbamone tshikena kumona tshia mafi. Badi bakula bua bilota bia patupu,Ne badi bateta kusambangana mu tshianana. Ke bualu kayi nebatambakane bu mikoko. Nebakenge, bualu kakuena mulami wa mikoko.   Tshiji tshianyi netshitemene balami ba mikoko,Ne nendumbuluishe balombodi* badi bakengeshangana;Bualu Yehowa wa biluilu mmutume ntema yende kudi tshisumbu tshiende tshia mikoko,+ kudi nzubu wa Yuda,Ne mmubavuije bu kabalu kende ka butumbi mu mvita.   Kudiye ke kudi muntu munene* ufumina,Kudiye ke kudi mfumu muambuluishi* ufumina,Kudiye ke kudi buta bua mikete bua mvita bufumina;Kudiye ke kudi mutangidi* yonso upatukila, buonso buabu pamue.   Nebalue bu bena mvita,Badiatakaja bitotshi bia mu misesu mu mvita. Nebele mvita, bualu Yehowa udi nabu;+Ne babandi ba pa tubalu nebafuishibue bundu.+   Nemvuije nzubu wa Yuda mubandile,Ne nempandishe nzubu wa Jozefe.+ Nembapingaje kabidi,Bualu nembaleje luse;+Ne nebikale anu bu ne: tshivua mubabenge to;+Bualu, ndi Yehowa Nzambi wabu, ne nembandamune.   Ba mu Efelayima badi ne bua kulua bu tshilobo tshia mvita,Ne muoyo wabu newusanke anu bu ne: mbanue mvinyo.+ Bana babu nebamone bualu ebu ne nebasanke;Muoyo wabu newikale ne disanka mu Yehowa.+   ‘Nembele kashiba ne nembasangishe pamue;Bualu nembapikule,+ ne nebalue ba bungi,Ne nebatungunuke ne kuikala ba bungi.   Nansha meme mubatangalaje bu mamiinu munkatshi mua bukua bantu,Nebamvuluke mu miaba ya kule;Bobu ne bana babu nebapetulule bukole ne nebalukile. 10  Nembapingaje bafumina mu buloba bua EjipituNe nembasangishe bafumina mu Ashû;+Nendue nabu mu buloba bua Gilada+ ne Lebanona,Ne kuoku aku muaba kawakuikalaku kabidi buabu bobu to.+ 11  Yeye udi ne bua kupitshila mu mbuu ne kanyinganyinga;Ne neakume mavuala mu mbuu;+Ndondo yonso ya musulu wa Nile neyume. Lutambishi lua Ashû nelupuekeshibue,Ne dikombo dia Ejipitu nediumbuke.+ 12  Nembavuije babandile mu Yehowa,+Ne nebatambakane mu dîna diende,’+ ke mudi Yehowa wamba.”

Note

Anyi “nzambi ya mu dîku; mpingu.”
Anyi “malu makodiakane; malu adi kaayi umvuika.”
Ku mua.: “mbuji ya mpumbu.”
Ku mua.: “tshibumba tshia mu ditumba,” tshimfuanyi tshia muntu munene anyi wa mushinga; mfumu.
Ku mua.: “mpopo,” tshimfuanyi tshia muntu udi wambuluisha; mukokeshi.
Anyi “muenzejanganyi wa midimu ku bukole.”