Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Mukanda muibidi wa Samuele 23:1-39

MALU ADI MU MUKANDA EU

  • Mêyi a ndekelu a Davidi (1-7)

  • Malu a dikema a bena mvita ba bukole ba Davidi (8-39)

23  Aa mmêyi a Davidi a ndekelu:+ “Dîyi dia Davidi muana wa Yishai,+Ne dîyi dia muntu uvua mubandishibue kuulu,+Muela manyi+ wa Nzambi wa Yakoba,Muimbi muimpe* wa misambu+ ya mu Isalele.   Nyuma wa Yehowa uvua muakule ku butuangaji buanyi;+Dîyi diende divua pa ludimi luanyi.+   Nzambi wa Isalele uvua muakule;Dibue dia Isalele+ divua dingambile meme ne: ‘Padi muntu udi ulombola bukua bantu muikale muakane,+Ulombola mu ditshina dia Nzambi,+   Bidi anu bu butoke bua mu dinda padi dîba dikenkesha,+Dinda didi kadiyi ne matutu. Bidi anu bu butoke bua panyima pa mvula,Bienza bua mashinde atoloke mu buloba.’+   Nzubu wanyi kena nanku kumpala kua Nzambi anyi? Bualu yeye mmudie nanyi tshipungidi tshia tshiendelele,+Tshilongolola mu bualu ne bualu buonso ne tshilama bimpe. Bualu tshidi tshiumvuija lupandu luanyi luonso ne disanka dianyi dionso,Ki mbua bualu ebu budiye utantshishisha nzubu wanyi anyi?+   Kadi bantu tshianana badi bimanshibua bonso+ anu bu tumitshi tua mêba,Bualu kabena mua kutuambula ne tshianza.   Padi muntu utulenga,Udi ne bua kuikala mudipaye bimpe ne tshiamu tshifiike ne tshikuatshidi tshia difuma,Ne tudi ne bua kuoshibua butubutu ne kapia muaba uditu.”  Aa mmêna a bilobo bia mvita bia Davidi:+ Yoshebashebeta muena Takemona, uvua ku mutu kua bena mvita ba bukole basatu.+ Musangu mukuabu uvua mushipe bantu 800 ne difuma diende.  Bakamulondela kudi Eleazâ+ muana wa Dodo+ muana wa Ahohi uvua munkatshi mua bilobo bia mvita bisatu bivua ne Davidi pavuabu babunde bena Peleshete. Bavua badisangishe kuntu aku bua mvita, ne pavua bantu ba mu Isalele banyeme, 10  yeye wakashala muimane, kutungunukaye ne kushipa bena Peleshete too ne pavua diboko diende dishikile ne tshianza tshiende tshikuate tukulakaji bua muvuaye anu mukuate muele wa mvita.+ Nunku Yehowa wakafila ditshimuna dinene* dituku adi;+ ne bantu bakapingana panyima pende bua kuangata bintu bia bantu bashipa. 11  Bakamulondela kudi Shama muana wa Age muena Halala. Bena Peleshete bakadisangisha ku Lehi muaba uvua tshitupa tshia buloba tshiuwule tente ne nkunde ya mikese; ne bantu bakanyema bua bena Peleshete. 12  Kadi yeye wakimana munkatshi mua budimi abu, kubuluilaye mvita ne kutungunukaye ne kushipa bena Peleshete, kuenzabi bua Yehowa afile ditshimuna dinene.*+ 13  Bantu basatu ba ku bamfumu 30 bakapueka kudi Davidi ku nyongolo wa Adulama+ mu tshikondo tshia dipuola dia bintu, pine apu tshisumbu tshia* bena Peleshete tshivua tshiase tshitudilu mu Tshibandabanda* tshia bena Lefa.+ 14  Dîba adi Davidi uvua muaba wa kusokomena,+ ne basalayi ba bena Peleshete bavua mu Beteleheme. 15  Pashishe Davidi wakaleja dijinga divuaye nadi wamba ne: “Bu meme nansha mua kupetaku mâyi a kunua a mu tshina tshia kulamina mâyi tshidi pabuipi ne tshiibi tshia Beteleheme!” 16  Ke bilobo bia mvita bisatu abi kubuelabi mu tshitudilu tshia bena Peleshete ku makanda, kusunabi mâyi mu tshina tshia kulamina mâyi tshivua pabuipi ne tshiibi tshia Beteleheme ne kuatuadilabi Davidi; kadi yeye wakabenga bua kuanua, kuapongoluelaye Yehowa panshi.+ 17  Yeye kuamba ne: “Yehowa, kabiena mua kuenzeka bua meme kuenza bualu ebu to! Ndi mua kunua mashi+ a bantu bavua baye kusuna mâyi, bateke mioyo* yabu mu njiwu anyi?” Nunku wakabenga bua kuanua. Aa ke malu avua bilobo biende bia mvita bisatu bienze. 18  Abishai+ muanabu ne Yoaba muana wa Seluya+ uvua ku mutu kua bantu bakuabu basatu; wakashipa bantu 300 ne difuma diende, ne uvua ne lumu anu bu bantu basatu abu.+ 19  Nansha muvuabu batamba kumunemeka kupita bakuabu basatu abu ne muvuaye mfumuabu, kavua mufike mu mulongo wa basatu ba kumpala abu to. 20  Benaya+ muana wa Yehoyada uvua muntu wa dikima* uvua muenze malu manene a bungi mu Kabesêle.+ Uvua mushipe bana babidi ba Aliele wa mu Moaba, ne dituku kampanda divua neje iloka uvua mupueke mu tshina tshia kulamina mâyi, kushipaye ntambue.+ 21  Uvua mushipe kabidi muena Ejipitu kampanda uvua munene mule wa mfiondo. Nansha muvua muena Ejipitu au ne difuma mu tshianza tshiende, yeye wakaya kuluangana nende ne mutshi, kudiapulaye difuma mu tshianza tshia muena Ejipitu ne kumushipaye ne difuma diende yeye adi. 22  Aa ke malu avua Benaya muana wa Yehoyada muenze, ne uvua ne lumu bu lua bilobo bia mvita bisatu. 23  Nansha muvuabu bamunemeka bikole kupita too ne bena mvita 30, kavua mufike mu mulongo wa bena mvita basatu abu to. Kadi Davidi wakamuteka ku mutu kua bantu bavua bamulama. 24  Asahele+ muanabu ne Yoaba uvua munkatshi mua bantu 30; Elehanana muana wa Dodo wa ku Beteleheme,+ 25  Shama muena Haloda, Elika muena Haloda, 26  Helese+ muena Palati, Ila+ muana wa Ikeshe muena Tekoa, 27  Abiezê+ muena Anatota,+ Mebunai muena Husha, 28  Salemona muena Ahoa, Mahalai+ muena Netofa, 29  Helebe muana wa Bânaha muena Netofa, Itai muana wa Libai muena Gibea wa mu bena Benyamina, 30  Benaya+ muena Pilatona, Hidai wa ku tusulu tua tshilonda nkoka* tua Gâsha,+ 31  Abi-alabona muena Alabâ, Azamaweta muena Bâ-hulima, 32  Eliahaba muena Shâlabima, bana ba Yashena, Yonatana, 33  Shama muena Halala, Ahiyama muana wa Shala muena Halala, 34  Elifelete muana wa Ahasabai muana wa Mâkata, Eliyama muana wa Ahitofele+ muena Gilo, 35  Heselo muena Kâmele, Pâlai muena Alaba, 36  Igala muana wa Natana wa ku Soba, Bani muena Gada, 37  Seleke muena Amona, Nahalai muena Bêlota muambudi wa bia mvita wa Yoaba muana wa Seluya, 38  Ila muena Yitela, Galeba muena Yitela,+ 39  ne Uliya+ muena Hiti, bantu bonso 37.

Note

Anyi “Muntu muimpe.”
Anyi “lupandu lunene.”
Anyi “lupandu lunene.”
Anyi “musoko muenza ne ntenta wa.”
Anyi “Tshibatabata.”
Anyi “anyima.”
Ku mua.: “muana wa muntu kampanda wa dikima.”
Tang. Diumv.