Ndaku munda

Ndaku ku tshikebelu

Bantemu ba Yehowa

Sungula muakulu Tshiluba

Mukanda wa kumpala mutumina Timote 2:1-15

MALU ADI MU MUKANDA EU

  • Disambila bua bantu ba mishindu yonso (1-7)

    • Nzambi umue, mutuangaji umue (5)

    • Tshia kupikulangana natshi tshikumbanangane bua bonso (6)

  • Malu adi balume ne bakaji ne bua kulonda (8-15)

    • Kuvuala ne bupuekele (9, 10)

2  Nunku kumpala kua malu onso, ndi ndomba bua ne: misengelelu, masambila, milombu ne diela tuasakidila bienzeke bua bantu ba mishindu yonso,  bua bakalenge ne bonso badi ku mutu,*+ bua tumone mua kutungunuka ne kusomba ne bupole ne ditalala mu dilamata dionso dia Nzambi ne bunême buonso.+  Bualu ebu mbuimpe ne mbuanyishibue ku mêsu kua Mupandishi wetu, Nzambi,+  udi musue bua bantu ba mishindu yonso bapandishibue+ ne bafike ku dimanya dijalame dia bulelela.  Bualu kudi Nzambi umue,+ ne mutuangaji umue+ pankatshi pa Nzambi ne bantu,+ mmuntu, Kristo Yezu+  uvua mudifile nkayende bua bantu bonso*+ bu tshia kupikulangana natshi tshidi tshikumbanangane; bualu ebu ke budibu ne bua kufidila bumanyishi mu tshikondo tshiabu.  Bua bumanyishi ebu,+ bakansungula bua kuikala muyishi ne mupostolo+ (ndi ngamba bulelela, tshiena nshima to), mulongeshi wa bisamba bikuabu+ mu bualu bua ditabuja ne bulelela.  Nunku ndi musue bua balume basambile miaba yonso, bela bianza bia lulamatu muulu,+ kakuyi tshiji+ ne dikokangana.+  Bia muomumue, bakaji badilengeje ne mvuadilu udi mukumbane,* ne bupuekele ne meji majalame,* kabayi ne ndukishilu ya nsuki ya wayi mushindu, kabayi ne or anyi mabue a busanga anyi bilamba bia mushinga mukole menemene,+ 10  kadi badilengeje mu mushindu udi mukumbanyine bakaji badi bamba mudibu balamate Nzambi,+ mbuena kuamba ne: ne bienzedi bimpe. 11  Mukaji alonge mu tshimuma* ne dikokela dionso.+ 12  Tshiena nganyishila mukaji bua kulongesha anyi bua kuikala ne bukokeshi ku mutu kua mulume, kadi udi ne bua kushala mupuwe.*+ 13  Bualu Adama ke uvua mufukibue kumpala, pashishe Eva.+ 14  Kabidi, kabavua bashime Adama to, kadi mukaji ke uvuabu bashime bibi menemene,+ kuluaye mushipi wa mikenji. 15  Kadi nealamibue ku diambuluisha dia dilela dia bana,+ anu bikalaye* utungunuka mu ditabuja, mu dinanga ne mu bunsantu pamue ne meji majalame.*+

Note

Anyi “badi ne bukokeshi.”
Anyi “bantu ba mishindu yonso.”
Anyi “wa kanemu.”
Anyi “busunguluji; meji.”
Anyi “muikale mupuwe; muikale talalaa.”
Anyi “kushala talalaa; kushala mu tshimuma.”
Ku mua.: “bikalabu.”
Anyi “busunguluji; meji.”