Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Mukanda wa kumpala mutumina bena Tesalonike 1:1-10

MALU ADI MU MUKANDA EU

  • Dielangana muoyo (1)

  • Disakidila bua ditabuja dia bena Tesalonike (2-10)

1  Meme Paulo ne Siluano*+ ne Timote,+ kudi tshisumbu tshia bena Tesalonike mu buobumue ne Nzambi Tatu ne Mukalenge Yezu Kristo: Ngasa ne ditalala bikale nenu.  Tudi tuela Nzambi tuasakidila misangu yonso itudi tunutela nuenu bonso mu masambila etu,+  bualu tudi tutungunuka ne kuvuluka mudimu wenu wa ditabuja, mudimu wenu mukole muenza ne dinanga, ne dinanukila dienu bua ditekemena dinudi nadi+ mu Mukalenge wetu Yezu Kristo kumpala kua Nzambi wetu ne Tatu.  Bualu, bana betu banangibue kudi Nzambi, tudi bamanye mudiye munusungule,  bualu lumu luimpe lutudi tuyisha kaluvua lulue kunudi ne mêyi nkayawu, kadi luvua lulue kabidi ne bukole ne nyuma muimpe* ne dishindika dikole, anu bu munudi bamanye tshituvua balue munkatshi muenu bua bualu buenu.  Nunku nuakalua bidikiji betu+ ne ba Mukalenge+ bu munuvua bitabe dîyi mu makenga a bungi+ ne disanka dia nyuma muimpe,*  nuenu kulua tshilejilu kudi bena kuitabuja bonso ba mu Makedonia ne mu Akaya.  Mu bulelela, dîyi dia Yehowa* divua difume kunudi kadivua diumvuike anu mu Makedonia ne mu Akaya nkayamu to, kadi ditabuja dienu kudi Nzambi nditangalake bikole miaba yonso,+ bienza bua katuikadi ne dijinga dia kuamba bualu bukuabu.  Bualu bobu nkayabu badi batungunuka ne kuakula bua dipetangana dietu nenu bua musangu wa kumpala ne munuvua bitabe Nzambi, balekele mpingu yenu+ bua kuenzela Nzambi mulelela wa muoyo mudimu bu bapika, 10  ne bua kuindila Muanende udi ufuma mu diulu,+ uvuaye mujule ku lufu, mbuena kuamba ne: Yezu udi utusungila ku tshiji tshidi tshilua.+

Note

Udibu babikila kabidi ne: Sila.
Anyi “spiritu munsantu; nyuma wa tshijila.” Tang. Diumv.
Anyi “spiritu munsantu; nyuma wa tshijila.” Tang. Diumv.