Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Mukanda wa Kumpala wa Kulondolola 16:1-43

MALU ADI MU MUKANDA EU

  • Badi bateka Mushete mu ntenta (1-6)

  • Musambu wa Davidi wa kuela nawu tuasakidila (7-36)

    • “Yehowa mmulue Mukalenge!” (31)

  • Mudimu kumpala kua Mushete (37-43)

16  Nunku bakabueja Mushete wa Nzambi mulelela, kuwutekabu mu ntenta uvua Davidi muwashile;+ ne bakafila milambu ya kuosha ne milambu ya diumvuangana kumpala kua Nzambi mulelela.+  Pavua Davidi mujikije kulambula milambu ya kuosha+ ne milambu ya diumvuangana,+ wakabenesha bantu mu dîna dia Yehowa.  Pashishe wakabanyina bena Isalele bonso, mulume yonso ne mukaji yonso, diampa dia tshijengu, dibulu dienza ne ngaji ya dibue dia kankinda miumisha, ne dibulu dia tumuma tua mvinyo tumisha.  Pashishe wakateka bakuidi bakuabu bua kuenza mudimu kumpala kua Mushete wa Yehowa+ bua kunemeka* Yehowa Nzambi wa Isalele, kumuela tuasakidila, ne kumutumbisha.  Asafa+ uvua ku mutu, bamulondela kudi Zekâya; Yiele, Shemilamota, Yehiele, Matitiya, Eliaba, Benaya, Obeda-edome, ne Yiele+ bavua bimba biombelu bia nshinga ne nzenze;+ Asafa uvua wimba ne bintu bia kukumakaja,+  Muakuidi Benaya ne muakuidi Yahaziele bavua benda bela mpungi dîba dionso kumpala kua Mushete wa tshipungidi tshia Nzambi mulelela.  Dituku adi ke divua musangu wa kumpala uvua Davidi muenze musambu bua kuela Yehowa tuasakidila ne muambile Asafa+ ne bana babu bua kuwimba:   “Elayi Yehowa tuasakidila,+ bilayi dîna diende,Manyishayi bienzedi biende munkatshi mua bukua bantu!+   Muimbilayi, muimbilayi misambu ya kumutumbisha nayi,*+Elanganayi meji a* midimu yende yonso ya kukema.+ 10  Ditumbishayi bua dîna diende dia tshijila.+ Mioyo ya badi bakeba Yehowa isanke.+ 11  Kebayi Yehowa+ ne bukole buende. Kebayi mpala wende* misangu yonso.+ 12  Vulukayi malu a kukema adiye muenze,+Bishima biende ne mêyi a dilumbuluisha adiye muambe, 13  Nuenu bana* ba Isalele muena mudimu wende,+Nuenu bana ba Yakoba, bantu badiye musungule.+ 14  Yeye udi Yehowa Nzambi wetu.+ Mêyi ende a dilumbuluisha adi pa buloba bujima.+ 15  Vulukayi tshipungidi tshiende bua kashidi,Dilaya divuaye mulaye,* kudi bipungu tshinunu bia bantu,+ 16  Tshipungidi tshivuaye mudie ne Abalahama,+Ne mutshipu uvuaye muditshipe kudi Izaka,+ 17  Uvuaye mujadike bu dîyi dielela Yakoba+Ne bu tshipungidi tshia kashidi kudi Isalele 18  Wamba ne: ‘Nenkupeshe buloba bua Kanâna+Bu tshienu tshitupa tshia bumpianyi.’+ 19  Bualu ebu buakenzeka panuvua bungi bukese,Eyowa, bakese menemene, ne nuvua bantu ba ku babende mu buloba abu.+ 20  Bakatambakana bumbuka ku tshisamba baya ku tshisamba tshikuabu,Bumbuka ku bukalenge bumue baya kudi bantu ba tshisamba tshikuabu.+ 21  Kakanyisha bua muntu nansha umue abakengeshe to,+Kadi wakatandisha bakalenge bua bualu buabu+ 22  Wamba ne: ‘Kanulengi bela manyi banyi,+Ne kanuenzedi baprofete banyi bualu bubi nansha.’ 23  Imbilayi Yehowa, buloba bujima! Manyishayi lupandu luende ku dituku ne ku dituku!+ 24  Ambayi butumbi buende munkatshi mua bisamba,Malu ende a kukema munkatshi mua bukua bisamba bionso. 25  Bualu Yehowa mmunene ne mmukumbane bua kumutumbisha bikole. Yeye mmukumbane kumutshina kupita nzambi mikuabu yonso.+ 26  Nzambi yonso ya bukua bisamba nnzambi ya patupu,+Kadi Yehowa yeye ke wakenza diulu.+ 27  Bunene* ne butumbi bidi kumpala kuende;+Bukole ne disanka bidi mu muaba wende wa kusombela.+ 28  Peshayi Yehowa tshidi bu tshiende, nuenu mêku a bukua bisamba,Peshayi Yehowa tshidi bu tshiende bua butumbi buende ne bukole buende.+ 29  Peshayi Yehowa butumbi budi buakanyine dîna diende;+Luayi ne dipa ne nubuele kumpala kuende.+ Inaminayi* Yehowa bavuale bintu bilengele bia tshijila.*+ 30  Zakalayi kumpala kuende, buloba bujima! Buloba* mbujadikibue bikole; kabuena mua kunyungishibua* to.+ 31  Diulu disanke, ne buloba buikale ne disanka;+Manyishayi munkatshi mua bisamba ne: ‘Yehowa mmulue Mukalenge!’+ 32  Mbuu akungule ne bionso bidi biuwulamu;Mpata ne bionso bidimu bisanke. 33  Mitshi ya muitu yele payi mbila ya disanka kumpala kua Yehowa dîba dimue dimue adi,Bualu yeye udi ulua* bua kulumbuluisha buloba. 34  Elayi Yehowa tuasakidila, bualu yeye udi muimpe;+Dinanga diende dia lulamatu didi dishalaku kashidi.+ 35  Nuambe ne: ‘Utupandishe, wewe Nzambi wa lupandu luetu,+Utusangishe ne utusungile kudi bisamba,Bua tuetu tusakidile dîna diebe dia tshijila+Ne tusanke bua dikutumbisha.*+ 36  Yehowa, Nzambi wa Isalele, atumbishibueKashidi ne tshiendelele.’”* Nunku bantu bonso bakamba ne: “Amen!”* ne bakatumbisha Yehowa. 37  Pashishe Davidi wakashiya Asafa+ ne bana babu muaba au kumpala kua mushete wa tshipungidi tshia Yehowa bua batungunuke ne kuenza mudimu kumpala kua Mushete,+ bilondeshile muvuabu benza dituku dionso.+ 38  Obeda-edome ne bana babu, bantu 68, ne Obeda-edome, muana wa Yedutuna, ne Hosa bavua balami ba ku biibi; 39  muakuidi Sadoka+ ne bakuidi nende bavua kumpala kua ntenta wa tshitendelelu wa Yehowa muaba mutumbuke ku Gibeona+ 40  bua kulambula Yehowa milambu ya kuosha pa tshioshelu tshia mulambu wa kuosha misangu yonso, dinda ne dilolo, ne bua kuenza malu onso adi mafunda mu Mikenji ya Yehowa ivuaye mutumine Isalele dîyi bua kutumikila.+ 41  Bavua ne Hemana ne Yedutuna+ ne bantu bavua bashale ba ku bantu bavuabu basungule bavuabu batele mêna abu bua kusakidila Yehowa,+ bualu “dinanga diende dia lulamatu didi dishalaku kashidi”;+ 42  bavua ne Hemana+ ne Yedutuna bua kuela mpungi, kuimba ne bintu bia kukumakaja ne bintu bia kutumbisha nabi* Nzambi mulelela; ne bana ba Yedutuna+ bavua ku tshiibi. 43  Pashishe bantu bonso bakaya ku mabu, ne Davidi wakaya bua kubenesha ba mu nzubu muende.

Note

Ku mua.: “bua kuvuluka.”
Anyi “mijiki.”
Anyi pamuapa: “Akulayi bua.”
Anyi “bua kuikala pabuipi nende.”
Anyi “ndelanganyi.” Ku mua.: “dimiinu.”
Ku mua.: “Dîyi divuaye mutume.”
Anyi “Bunême.”
Anyi “Tendelelayi.”
Anyi pamuapa: “bua bulengele bua bunsantu buende.”
Anyi “Buloba budi bupatula bintu.”
Anyi “kabena mua kubunyukula; kabuena mua kutenkakana.”
Anyi “mmulue.”
Anyi “tusanke mu dikutumbisha.”
Anyi “Katshia ku bikondo bia tshiendelele too ne ku bikondo bia tshiendelele.”
Anyi “Bikale nanku!”
Anyi “bintu bia musambu wa.”