Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Mukanda wa kumpala mutumina bena Kolinto 13:1-13

MALU ADI MU MUKANDA EU

  • Dinanga ndipite bionso (1-13)

13  Meme ngakula mu miakulu ya bantu ne ya banjelu kadi tshiyi ne dinanga, ndi mulue anu bu ngonga udi udila anyi bu bintu bia kukumakaja bidi bienza mutoyi.  Meme ne tshipedi tshia kuamba mêyi a buprofete ne njingulula malu masokoka a tshijila onso ne dimanya dionso,+ ne meme ne ditabuja dionso dindi mua kumbusha* nadi mikuna, kadi tshiyi ne dinanga, ndi tshianana.*+  Meme mufile bintu bianyi bionso bua kudiisha bakuabu,+ ne meme mufile mubidi wanyi bua meme kuditumbisha, kadi tshiyi ne dinanga,+ kabiena binkuatshisha nansha kakese.  Dinanga+ didi ne lutulu*+ ne bulenga.+ Dinanga kadiena ne mukawu.+ Kadiena ne diambu, kadiena didiuwuja,+  kadiena dienza malu a bundu,*+ kadiena didikebela anu masanka adi,+ kadiena dikuata tshiji.+ Kadiena dibalulula malu mabi.*+  Kadiena disanka bua malu adi kaayi makane,+ kadi didi disanka ne bulelela.  Didi dikolesha muoyo mu malu onso,+ ditabuja malu onso,+ ditekemena malu onso,+ dinanukila mu malu onso.+  Dinanga kadiena dishikila nansha. Kadi bikalaku bipedi bia kuamba mêyi a buprofete, nebijimine, bikalaku miakulu,* neyimane; bikalaku dimanya, nedijimine.  Bualu tudi bamanye anu tshitupa+ ne tudi tuamba anu tshitupa tshia mêyi a buprofete, 10  kadi palua tshidi tshijima, tshia tshitupa netshijimijibue. 11  Pamvua muana, mvua ngakula bu muana, mvua ne lungenyi lua buana, mvua ngela meji bu muana; kadi mpindieu unkadi muntu mukole, ndi mulekele malu a buana. 12  Bualu mpindieu tudi tumona bintu bibuitshidile* ku diambuluisha dia lumuenu lua tshiamu, kadi tshikondo atshi netubimone mpala ne mpala. Mpindieu ndi mumanye tshitupa tshia malu, kadi tshikondo atshi nengamanye bimpe menemene,* anu mundi panyi mumanyike bimpe menemene. 13  Kadi mpindieu nkushale bisatu ebi: ditabuja, ditekemena, dinanga; kadi tshidi tshibipite bionso ndinanga.+

Note

Anyi “kutentemuna.”
Anyi “tshiena ne mushinga.”
Anyi “muoyo mule.”
Anyi “ki ndipange bukalanga.”
Anyi “bilema.”
Mmumue ne: kuakula mu miakulu mikuabu mu tshishima.
Anyi “kabiyi bimueneka bimpe.”
Anyi “onso.”