Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Tshibumba tshia Nsentedi  |  No 1 2017

Buloba mbuwule ntete ne makenga, kadi Nzambi ke udi uwakebesha anyi?

Ntshinyi tshidi Bible wamba?

Ntshinyi tshidi Bible wamba?

Nzambi ke udi ukebesha makenga anyi?

Udi mua kuandamuna bishi?

  • Eyowa

  • Tòo

  • Pamuapa

Tshidi Bible wamba

‘Bualu ebu kabuikadi kudi Nzambi bua yeye kuenza malu mabi, anyi bua Wa Bukole Buonso kuenzaye bibi!’ (Yobo 34:10) Nzambi katu ukebesha malu mabi ne makenga atudi tumona pa buloba to.

Mmalu kayi makuabu atudi tulonga mu Bible?

  • Satana Diabolo, “mukokeshi wa buloba ebu” ke mukebeshi munene wa makenga.—Yone 14:30.

  • Makenga ne malu mabi atu misangu ya bungi afumina kabidi ku mapangadika mabi atu bantu bangata.—Yakobo 1:14, 15.

Makenga kaakujika anyi?

Bamue bantu badi bamba ne: bantu badi mua kujikija makenga ku diambuluisha dia madikolela abu, eku bakuabu bamona ne: malu kaakushintuluka ne kulengelawu bikole to. Wewe udi wela meji kayi?

Tshidi Bible wamba

Nzambi neajikije makenga. “Lufu kaluakuikalaku kabidi, nansha madilu, nansha miadi, nansha bisama kabiakuikalaku kabidi.”—Buakabuluibua 21:3, 4.

Mmalu kayi makuabu atudi tulonga mu Bible?

  • Nzambi neenze mudimu ne Yezu bua kujikija makenga adi diabolo mukebeshe.—1 Yone 3:8.

  • Bantu bimpe nebasombe mu ditalala pa buloba bua kashidi.—Misambu 37:9-11, 29.