Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Tshibumba tshia Nsentedi  |  Ngondo wa 12 2015

 TSHIENA-BUALU TSHINENE | UDI MUA KUMVUA BIBLE

Bua tshinyi mbimpe kumvua Bible?

Bua tshinyi mbimpe kumvua Bible?

LIN wa mu Chine udi wamba ne: “Bible mmukanda wa malu a Nzambi udi mumanyike. Kadi mmukanda wa ku babende ne kawena ne mushinga bua bena mu Chine to.”

AMIT wa mu Inde udi wamba ne: “Tshitu nansha ngumvua mikanda minsantu ya mu tshitendelelu tshianyi tshia Hindu to. Kadi mmunyi mundi mua kumvua Bible udi pende mukanda munsantu?”

YUMIKO wa mu Japon udi wamba ne: “Ndi nnemeka Bible bu mukanda wa kale ne ndi mumvue ne: bantu badi bamusumba bikole. Kadi tshitu muanji kumona dibeji diende nansha dimue to.”

Bantu ba bungi ba pa buloba badi bangata Bible ne mushinga wa bungi. Kadi mbamanye anu malu makese a mu Bible anyi ki mbaamanye mene to. Ke mudibi bua bantu ba bungi badi mu Asie, kadi bidi kabidi nanku bua matunga a bungi adi bantu ba bungi bikale ne Bible.

Kadi, udi mua kudiebeja ne: ‘Bua tshinyi bidi ne mushinga bua meme kumvua Bible?’ Kumvua tshidi mukanda wa tshijila eu wamba kudi mua kukuambuluisha bua:

  • Kupeta disanka

  • Kupita bimpe ne ntatu ya mu dîku

  • Kupita bimpe ne tunyinganyinga

  • Kuakaja mushindu wetu wa kusomba ne bakuabu

  • Kutula makuta mu mushindu muimpe

Tuangatabi tshilejilu tshia Yoshiko wa mu Japon. Uvua udiebeja bua malu avua mua kuikala mu Bible, uangataye dipangadika dia kumubala yeye nkayende. Ntshinyi tshiakalua kuenzeka? Udi wamba ne: “Bible mmungambuluishe bua kupeta tshipatshila mu nsombelu wanyi ne ditekema bua matuku atshilualua. Tshiena kabidi ndiumvua mu mutu mutupu to.” Amit utudi batele kuulu eku, wakangata dipangadika dia kukonkonona Bible yeye nkayende. Udi wamba ne: “Biakankemesha bikole. Bible udi ne malu mimpe adi mua kuambuluisha muntu yonso.”

Bible mmushintulule nsombelu wa bantu ba bungi bikole menemene. Kuenaku mua kumukonkonona pebe ne kudimuena mudiye mua kukuambuluisha anyi?