Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Tshibumba tshia Nsentedi  |  Ngondo 6 2015

Mandamuna a nkonko ya malu a mu Bible

Mandamuna a nkonko ya malu a mu Bible

Udi mua kulua muledi muimpe mushindu kayi?

Udiku ulongesha bana bebe mua kunanga Nzambi anyi?

Mu lubanza mudi baledi banangangane ne banemekangana, mmuaba muimpe udi muana mua kukolela. (Kolosayi 3:14, 19) Baledi bimpe mbanange bana babu ne batu babanyisha.Bala Matayi 3:17.

Tatu wetu wa mu diulu utu uteleja bantu bende ne utabalela majinga abu. Baledi badi ne bua kuidikija Yehowa pa kuteleja bidi bana babu bajinga kubambila. (Yakobo 1:19) Badi ne bua kumanya mutu bana babu badiumvua, nansha padibu bakula bibi.Bala Nomba 11:11, 15.

Mmunyi muudi mua kukolesha bana bimpe?

Bu muudi muledi, udi ne bukokeshi bua kuelela bana bebe mikenji. (Efeso 6:1) Londa tshilejilu tshia Nzambi. Utu uleja bana bende dinanga padiye ubelela mikenji misunguluke ne ubaleja tshidi mua kubafikila bobu kabayi bayitumikile. (Genese 3:3) Kadi, pamutu pa kuenzeja bantu ku bukole bua bamutumikile, utu ubalongesha mudibu mua kupeta masanka bobu benze tshidi tshimpe.Bala Yeshaya 48:18, 19.

Difundila tshipatshila tshia kuambuluisha bana bebe bua kunanga Nzambi. Nunku, nebenze malu ne meji nansha bobu bikale pa nkayabu. Anu mudi Nzambi ulongesha ku tshilejilu tshiende, wewe pebe nanga Nzambi bua kushila bana bebe tshilejilu.Bala Dutelonome 6:5-7; Efeso 4:32; 5:1.