Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Tshibumba tshia Nsentedi  |  Ngondo 5 2015

Mandamuna a nkonko ya malu a mu Bible

Mandamuna a nkonko ya malu a mu Bible

Dituku dia dilumbuluisha ntshinyi?

Bua tshinyi dituku dia dilumbuluisha nedikale tshikondo tshia disanka?

Mu bikondo bia kale, Nzambi uvua ukuata mudimu ne balumbuluishi bua kusungila bantu bende ku malu mabi avuabu babenzela. (Balumbuluishi 2:18) Bible udi umvuija Dituku dia dilumbuluisha bu tshikondo tshia disanka tshikale Yehowa Mulumbuluishi wa ba pa buloba mua kusungila bantu bonso ku malu mabi.—Bala Musambu wa 96:12, 13; Yeshaya 26:9.

Nzambi mmusungule Yezu bua kulumbuluisha bantu bonso, badi ne muoyo ne bafue. (Bienzedi 10:42; 17:31) Bantu ba bungi bavua bafue kabayi banji kumanya Nzambi. Mu Dituku dia dilumbuluisha, Yezu neabishe bantu abu ku lufu bua bamanye Nzambi mulelela ne bamunange.—Bala Bienzedi 24:15.

Bua tshinyi dituku dia dilumbuluisha nedienze bidimu tshinunu?

Nebabishe bafue munkatshi mua bidimu tshinunu ebi. (Buakabuluibua 20:4, 12) Nebikengele ndambu wa matuku bua bobu kulonga mikenji ya Yehowa ne kumutumikila. Bishilangane ne mudi bantu ba bungi bamba, Bible yeye udi uleja ne: nebalumbuluishe bantu abu bilondeshile malu enzabu panyima pa dibishibua diabu ku lufu.—Bala Lomo 6:7.

Bible udi wakula kabidi bua dituku dia dilumbuluisha dialua mu tshimpitshimpi kumpala kua bidimu tshinunu ebi kutuadijabi. Badi badibikila kabidi ne: nshikidilu, anu mudi biena-bualu bia ku ntuadijilu kua tshibejibeji etshi biumvuija. Mu dituku adi Nzambi neabutule bantu babi bonso badi kabayi bamunange. (2 Petelo 3:7) Nunku, tudi ne bua kuenza muetu muonso bua kuleja ne: tudi banange Nzambi.—Bala 2 Petelo 3:9, 13.