Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Tshibumba tshia Nsentedi  |  Ngondo wa 11 2014

 TSHIENA-BUALU TSHINENE SATANA MMUNTU MULELELA ANYI?

Satana utuku anyi?

Satana utuku anyi?

Mu lukita kampanda lua mu Espagne mu madrid, mbazole Satana bu muanjelu mubi mupuekesha milongo

ROGELIO udi wamba ne: “Mvua mukolele mu El Salvador. Pamvua tshiyi ntumikila, maman uvua ungambila ne: ‘Satana udi ulua kukukuata!’ Mvua mmuandamuna ne: ‘Alua mene kunkuata!’ Ndi muitabuje Nzambi kadi ki n’Satana to.”

Udiku witaba tshidi Rogelio wamba etshi anyi? Mmuenenu kayi ku idi ilonda eyi uudi umona muimpe?

  • Satana ki mmuntu mulelela to; mbubi kampanda.

  • Satana udiku, kadi kena udifila bikole ku malu a bantu.

  • Satana ntshifukibua tshia bukole tshia mu nyuma tshidi ne buenzeji bua bungi mu bantu.

Kudi bantu badi bitaba mmuenenu yonso eyi, pamuapa badi miliyo ne miliyo. Mbimpe bua kumanyaku mmuenenu mujalame anyi? Bikala Satana kenaku, nunku bantu badi bitaba ne: mmuntu mulelela mbapambuke. Bikala Satana udiku kadi kayi udifila ku malu a bantu, nunku bantu ba bungi badi bamutshina badi bamutshina pabu tshianana. Kadi, bikala Satana utu ushimakaja bantu, nanku mmuntu mubi bikole kupita mudi bantu ba bungi bela meji.

Tukonkononayi mudi Bible wandamuna nkonko eyi: Satana, mbubi anyi peshi mmuntu udi ne mubidi wa nyuma? Bikala Satana mmuntu, udiku mua kukukebela njiwu anyi? Bikalabi nanku, mmunyi muudi mua kudikuba?