Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Tshibumba tshia Nsentedi  |  Ngondo 3 2014

Mandamuna a nkonko ya malu a mu Bible

Mandamuna a nkonko ya malu a mu Bible

Mmunyi mudi lufu lua Yezu lutuambuluisha?

Pavua Nzambi mufuke bantu, uvua mulongolole bua bikale ne muoyo kashidi ne tshiendelele pa buloba kabayi basama anyi bafua. Kadi Adama muntu wa kumpala, wakabenga kutumikila Mufuki ne kujimijaye ditekemena dia kuikala ne muoyo kashidi ne tshiendelele. Bu mutudi ndelanganyi ya Adama, tudi bapiane lufu kudiye. (Lomo 5:8, 12; 6:23) Yehowa Nzambi mulelela, wakatuma Yezu Muanende pa buloba bua kufua ne kutupikula ku tshivua Adama mujimije.—Bala Yone 3:16.

Yezu wakafua bua bantu bapete muoyo wa tshiendelele. Mmunyi muikala muoyo kauyi ne ndekelu pa buloba?

Lufu lua Yezu ludi lutuambuluisha bua kutubuikidilabu mpekatu yetu ne kuikala ne muoyo udi kauyi ne ndekelu. Bible udi utuleja muikala muoyo pa buloba patuikala katutshiyi kabidi tukulakaja, tusama ne tufua.—Bala Yeshaya 25:8; 33:24; Buakabuluibua 21:4, 5.

Mmunyi mutudi mua kuvuluka lufu lua Yezu?

Butuku bua muladilu wa lufu lua Yezu, wakambila bayidi bende bua kuvulukabu lufu luende mu mushindu mupepele. Kuvuluka lufu lua Yezu mushindu eu ku tshidimu tshionso kudi kutuambuluisha bua kumona mudi Yezu ne Yehowa banange bantu bikole.—Bala Luka 22:19, 20; 1 Yone 4:9, 10.

Mu tshidimu esthi, Tshivulukilu tshia lufu lua Yezu netshienzeke mu Dimue dia 14/4 dîba dimane kubuela. Tudi tukulomba bua udisangishe ne Bantemu ba Yehowa ba muaba uudi.—Bala Lomo 1:11, 12.

 

Manya malu makuabu

MALU ETU

Tshivulukilu tshia lufu lua Yezu

Tshidimu tshionso, bantu miliyo ya bungi batu badisangisha bua kusekelela mufikilu wa lufu lua Yezu. Tudi tukubikila bua ulue kumanya mudi tshibilu tshia mushinga etshi tshikutangila.

Bible utu ulongesha tshinyi menemene?

Yezu Kristo nnganyi?

Bible utu ulongesha tshinyi menemene?

Tshia-bupikudi ndipa ditambe bunene dia Nzambi