Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Tshibumba tshia Nsentedi  |  Ngondo 3 2014

 TSHIENA-BUALU TSHINENE | TSHIDI NZAMBI MUKUENZELE

Tshibilu tshiudi kuyi mua kupangila

Tshibilu tshiudi kuyi mua kupangila

Butuku bua kumpala kua muladilu wa lufu lua Yezu, wakalomba bayidi bende ba lulamatu bua kuvulukabu mulambu wende. Wakangata diampa kadiyi diela levire ne mvinyo mukunze kumpala kuabu bua kubanjijaye tshidibu babikila ne: Didia dia Mukalenge ne kubambilaye ne: “Tungunukayi ne kuenza nunku bua kumvuluka.”Luka 22:19.

Tshidimu tshionso, Bantemu ba Yehowa pa buloba bujima batu badisangisha bua kuvuluka lufu lua Yezu. Mu tshidimu tshia 2014, Tshivulukilu tshia lufu lua Yezu tshidi tshienzeka mu Dimue dia 14/4 dîba dimane kubuela.

Tudi tukubikila ne disanka dionso mu tshisangilu etshi muikalabu mua kumvuija mushinga udi nawu lufu lua Yezu lua mulambu. Muntu yonso udi mua kubuela mu tshisangilu etshi kakuyi bualu. Kabena basangishamu makuta to. Muanetu udi ukupesha tshibejibeji etshi udi mua kukuambila dîba ne muaba wenzekela Tshivulukilu bilondeshile muaba uudi musombele anyi udi mua kutangila mu adrese wetu wa jw.org. Bu wewe musue, funda bualu bua tshibilu etshi, tudi batekemene ne: neulue.

Manya malu makuabu

MALU ETU

Tshivulukilu tshia lufu lua Yezu

Tshidimu tshionso, bantu miliyo ya bungi batu badisangisha bua kusekelela mufikilu wa lufu lua Yezu. Tudi tukubikila bua ulue kumanya mudi tshibilu tshia mushinga etshi tshikutangila.