Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Tshibumba tshia Nsentedi  |  Ngondo wa 1 2014

Mandamuna a nkonko ya malu a mu Bible

Mandamuna a nkonko ya malu a mu Bible

Nzambi mmuntu wa mushindu kayi?

Nzambi mmuntu wa mu nyuma udi kayi umueneka. Wakafuka diulu ne buloba ne bintu bionso bidi ne muoyo. Ki mbafuke Nzambi ne kena ne tshibangidilu to. (Musambu 90:2) Nzambi mmusue bua bantu bamukebe ne bamanye bulelela pa bidi bimutangila.Bala 17:24-27.

Nzambi mmuntu utudi mua kumanya dîna diende. Tudi mua kumanya imue ya ku ngikadilu yende patudi tutangila bintu bidiye mufuke. (Lomo 1:20) Kadi bua kumanya Nzambi bimpe tudi ne bua kulonga Bible Dîyi diende. Didi dituambuluisha bua kumanya Nzambi wa dinanga.Bala Musambu 103:7-10.

Mmunyi mutu Nzambi umona malu mabi?

Mufuki wetu Yehowa mmukine malu mabi. Wakafuka bantu mu tshimfuanyi tshiende. (Dutelonome 25:16) Ke bualu kayi ba bungi ba kutudi mbakine malu mabi. Ki Nzambi udi ukebesha malu mabi atudi tumona. Nzambi uvua mufuke muntu ne budikadidi bua kudisunguila malu. Diakabi, bantu ba bungi badi benza mudimu bibi ne budikadidi buabu ebu ne badi benza malu mabi. Mutshima wa Yehowa udi ukanyingalala.’Bala Genese 6:5, 6; Dutelonome 32:4, 5.

Yehowa mmunange malu makane, ne kakulekela malu mabi ashalaku tshiendelele to. (Musambu 37:28, 29) Bible udi wamba ne: mu katupa kîpi emu, Nzambi neumbushe malu mabi onso.Bala 2 Petelo 3:7-9, 13.

Bible udi ulaya ne: Mu katupa kîpi emu, Nzambi neenzele bantu bonso malu makane

 

Manya malu makuabu

Bible utu ulongesha tshinyi menemene?

Bulelela pa bidi bitangila Nzambi