Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Tshibumba tshia Nsentedi (Tshia kulonga)  |  Ngondo wa 10 2015

“Nutungunuke ne kunanga bantu ba mushindu eu”

“Nutungunuke ne kunanga bantu ba mushindu eu”

KATSHIA mu tshidimu tshia 1992, Kasumbu Kaludiki nkasungule bakulu bashindame bakadi bamonamone malu bua kuambuluishabu komite yaku bua kukumbaja mudimu wayi. * (Tangila note.) Bakulu ba mu “mikoko mikuabu” aba badi bambuluisha Kasumbu Kaludiki bikole. (Yone 10:16) Lumingu luonso, batu babuela mu tshisangilu tshia komite udibu. Mudimu wabu ngua kuleja bualu buonso budi ne mushinga ne kufila ngenyi. Bena mu Kasumbu Kaludiki batu bangata mapangadika a ndekelu, pashishe bakulu aba badi benza muabu muonso bua mapangadika au akumbane bimpe menemene. Bana betu ba balume aba badi ne disanka dia kuenza mudimu wonso udibu babapesha. Batu benza ngendu ne bena mu Kasumbu Kaludiki bua kubuela mu mpungilu ya pa buayi ne ya bantu bafume mu matunga a bungi. Batu babapesha kabidi mudimu wa kuikala baleji mpala ba bena mu Kasumbu Kaludiki bua kukumbula Betele mishilashilangane.

Mukulu mukuabu udi wenza mudimu bu muambuluishi katshia mu 1992 udi wamba ne: “Pantu ngenza mudimu udibu bampesha, bitu biambuluisha bena mu Kasumbu Kaludiki bua kudifilabu bikole mu malu a mu nyuma.” Mukulu mukuabu udi wambuluisha kukadi bidimu 20 udi wamba ne: “Ndi mupete diakalenga dinene kupita tshintu kayi tshionso tshimvua mua kupeta.”

Kasumbu Kaludiki nkapeshe bana betu badi bakambuluisha midimu ya bungi ne kadi kanyisha mudimu mukole udi bana betu ba lulamatu aba benza. Nunku, mbimpe tuetu bonso ‘tutungunuke ne kunanga bantu ba mushindu eu.’—Filipoyi 2:29.

^ tshik. 2 Bala malu adi mu dibeji dia 131 mu mukanda wa Bukalenge bua Nzambi budi bukokesha bua kumanya malu a bungi adi atangila midimu ya komite isambombo ya Kasumbu Kaludiki.