Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Tshibumba tshia Nsentedi  |  No 1 2016

Uvua mumanye anyi?

Uvua mumanye anyi?

Mmushindu kayi uvuabu benza mivungu ne benza nayi mudimu mu bikondo bivuabu bafunda Bible?

Mivungu ya Biseba ne Mabeji Makole a Mukanda wa mu Bible wa Esetê ya bidimu bia 1700 panyima pa Yezu

Evangeliyo wa Luka udi wamba ne: Yezu wakavungulula muvungu wa Yeshaya, kuubala ne pashishe kuuvunga. Ku ndekelu kua evangeliyo wa Yone, wakakula bua muvungu wamba ne: kavua mukumbane bua kufundamu bimanyinu bionso bivua Yezu muenze to.— Luka 4:16-20; Yone 20:30; 21:25.

Mmushindu kayi uvuabu benza mivungu? Bavua bangata bintu bu mudi biseba bia nyama (anyi parchemin), peshi papirise babilamakaja ne budimbu bua kuenza muvungu. Bavua bauvunga ku tumitshi bienza bua ne: luseke luvua lufundila lubuele munda. Malu avuabu bufunde avua apatuka mu milongo mîpi ya mu butshiama pamutu pa muvungu. Muvungu wowu mule, bavua benza tumitshi tubidi ku mielelu yawu, tuvua mubadi mua kuvungulula natu mifundu ne tshianza tshimue ne kuvunga ne tshikuabu too ne pavuaye ufika muaba uvuaye ukeba.

Diksionere kampanda didi diamba ne: “Muvungu uvua muimpe bualu uvua mule ndambu (pamuapa metre 10) mukumbane bua kuambula mukanda mukese mujima, kakuyi bintu bikuabu bishala to.” (The Anchor Bible Dictionary) Tshilejilu, badi batshinka ne: evangeliyo wa Luka uvua ukengela muvungu wa metre matue ku 9,5 mu bule. Misangu mikuabu, bavua bapempa ku mielelu ya muvungu, bayipela ne dibue ne bayitua mu mâyi a mêkala.

“Bamfumu ba bakuidi” badibu bakuila mu Mifundu ya bena Kristo ya mu tshiena Greke bavua mua kuikala banganyi?

Katshia batuadija kuteka bakuidi mu Isalele, bavua bateka anu muntu umue bua ikale muakuidi munene, anu mudimu eu ke uvuaye ne bua kuenza mu nsombelu wende mujima. (Nomba 35:25) Alona ke muntu wa kumpala wakalua muakuidi. Nansha nanku, misangu ya bungi buakuidi buvua bumbuka kudi tatu buya kudi muana wa balume udi muntu mukole mu dîku. (Eksode 29:9) Bana ba balume ba bungi ba mu ndelanganyi ya Alona bavua benze mudimu wa buakuidi, kadi anu bakese tshianana ke bavua balue bakuidi banene.

Pavuabu bakuate bena Isalele ku bupika kudi benyi, bamfumu bavua kabayi bena Isalele bavua basungula ne bumbusha bakuidi banene ba bena Yuda muvuabu basue. Kadi bidi bimueneka ne: bantu bapiabapia bavuabu basungula bavua babasungula misangu ya bungi mu mêku a bantu bavua ne diakalenga edi, nangananga mu ndelanganyi ya Alona. Tshiambilu tshia “bamfumu ba bakuidi” tshidi pamuapa tshileja bantu banene ba mu kasumbu ka bakuidi. Mu bamfumu ba bakuidi muvua balombodi ba tusumbu 24 tua bakuidi; bantu banene ba mu mêku a bakuidi banene; bakuidi banene ba kale bavuabu bumbushe, bu mudi Ana.—1 Kulondolola 24:1-19; Matayi 2:4; Mâko 8:31; Bienzedi 4:6.