Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Tshibumba tshia Nsentedi  |  No 5 2017

Bia mvita bionso nebibutudibue

Ntshinyi tshidi Bible wamba?

Ntshinyi tshidi Bible wamba?

Nekuikalaku ditalala pa buloba anyi?

Udi mua kuandamuna bishi?

  • Eyowa

  • Tòo

  • Pamuapa

Tshidi Bible wamba

Mu bukokeshi bua Yezu Kristo, ‘ditalala divule nedikalaku too ne pajimina ngondo tshiendelele,’ mmumue ne: bua kashidi.—Misambu 72:7.

Mmalu kayi makuabu atudi tulonga mu Bible?

  • Nebumbushe bantu babi pa buloba, bipetesha bantu bimpe mushindu wa ‘kusanka mu ditalala dikumbane.’—Misambu 37:10, 11.

  • Nzambi neajikije mvita yonso.—Misambu 46:8, 9.

Kudiku mushindu wa kuikala ne ditalala dilelela dia mu muoyo mpindieu anyi?

Bamue bantu badi bamba ne: bu mutshidi buloba buwule ne makenga ne malu mabi kakuena mushindu wa kupeta ditalala dilelela dia mu muoyo to. Wewe udi wela meji kayi?

Tshidi Bible wamba

Nansha mpindieu, bantu badi mu malanda mimpe ne Nzambi badi mua kupeta “ditalala dia Nzambi didi dipite dijingulula dionso dia malu.”—Filipoyi 4:6, 7.

Mmalu kayi makuabu atudi tulonga mu Bible?

  • Nzambi mmulaye bua kumbusha makenga ne malu mabi, ‘uvuija bintu bionso bipiabipia.’—Buakabuluibua 21:4, 5.

  • Tudi mua kupeta ditalala dia munda patudi tukumbaja majinga etu a “mu nyuma.”—Matayi 5:3.