Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Tshibumba tshia Nsentedi  |  No 4 2017

Maleta anayi a mu tshiena Ebelu adi enza dîna dia tshijila dia Nzambi, Yehowa, adibu babala kumbukila ku dia balume batangile ku dia bakaji

Kaleta katambe bukese ka mu tshiena Ebelu kadi kakankamija bikole

Kaleta katambe bukese ka mu tshiena Ebelu kadi kakankamija bikole

Tudiku batuishibue ne: milayi yonso ya Nzambi neyikumbane anyi? Yezu uvua mutuishibue bua bualu ebu, ne malongesha ende avua akolesha ditabuja dia bantu bavua bamuteleja. Tuangate tshilejilu tshivuaye mufile mu Muyuki wende wa pa Mukuna tshidi mu Matayi 5:18 pavuaye muambe ne: “Bulelela ndi nnuambila ne: diulu ne buloba bidi mua kujimina lukasa, kadi kaleta kamue katambe bukese anyi katupa ka dileta kakakujimina mu Mikenji eyi, too ne padi malu onso akumbana.”

Kaleta katamba bukese ka mu maleta a mu tshiena Ebelu nkaleta ka י (yod), kaleta ka kumpala mu maleta anayi adi enza dîna dia tshijila dia Nzambi, Yehowa. * Bafundi ne Bafalese bavua bangata miaku ne maleta bia mu Mikenji ya Nzambi ne mushinga wa bungi menemene too ne “katupa ka dileta.”

Yezu uvua wamba ne: diulu ne buloba bivua mua kupita kadi kabualu katambe bukese ka mu Mikenji kakavua mua kupanga kukumbana to. Kadi Bible udi utujadikila ne: diulu dietu edi ne buloba nebishalaku kashidi. (Misambu 78:69) Nunku tshiambilu tshidi tshikoka ntema etshi tshidi tshileja ne: kabualu nansha kakese ka mu Mikenji kakakupanga kukumbana to.

Yehowa Nzambi udi utangila too ne tumalu tukese anyi? Eyowa. Tuangate tshilejilu etshi: Bavua bambile bena Isalele wa kale bua kubenga kutshibula mufuba nansha umue wa muana wa mukoko wa Pasaka. (Ekesode 12:46) Bidi bimueneka bu kabualu kakese. Bavuaku bamanye tshivuabu kabayi ne bua kutshibuila mufuba nansha umue anyi? Pamuapa kabavua bamanye to. Kadi Yehowa Nzambi uvua yeye mamanye ne: kabualu kakese aka kavua kadianjile kuleja ne: kabavua ne bua kutshibula mufuba nansha umue wa Masiya pavuabu bamushipa pa mutshi wa makenga.—Misambu 34:20; Yone 19:31-33, 36.

Mêyi a Yezu adi atulongesha tshinyi? Tuetu petu tudi ne bua kuikala batuishibue bikole ne: milayi yonso ya Yehowa Nzambi neyikumbane too ne mu katoba. Ndikankamija kayipu didi kaleta katambe bukese ka mu tshiena Ebelu kafila!

^ tshik. 3 Kaleta katambe bukese ka mu maleta a mu tshiena Greke nkaleta ka iota ne bidi bimueneka ne: kadi muomumue ne ka mu tshiena Ebelu ka י (yod). Bu muvua Mikenji ya Mose mifunda kumpala mu tshiena Ebelu ne bayilongesha bantu anu mu tshiena Ebelu, Yezu uvua mua kuikala wakula bua dileta dia mu tshiena Ebelu.

Manya malu makuabu

BIBLE—NKUDIMUINU WA BULONGOLODI BUPIABUPIA

Dîna dia Nzambi mu Mifundu ya tshiena Ebelu

Bua tshinyi mbafunde dîna “Yehowa” mu Nkudimuinu wa bulongolodi bupiabupia padi eku nkudimuinu ya bungi kayiyi itela dîna dia Nzambi muaba nansha umue?