Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Tshibumba tshia Nsentedi  |  No 2 2016

Diabolo nnganyi?

Diabolo nnganyi?

Diabolo nnganyi?

UDI MUA KUANDAMUNA ne:

  • Mmuntu wa mubidi wa nyuma anyi?

  • Mbubi kampanda budi munda mua muntu anyi?

  • Ntshipeta tshia ngelelu wa meji wa bantu anyi?

TSHIDI BIBLE WAMBA

Diabolo wakayukila ne Yezu ne “kumutetaye.” (Matayi 4:1-4) Nunku Diabolo ki ntshintu kampanda tshia mu lungenyi anyi bubi kampanda to. Mmuntu mubi udi ne mubidi wa nyuma.

MMALU KAYI MAKUABU ATUDI MUA KULONGA MU BIBLE?

  • Ku tshibangidilu Diabolo uvua muanjelu muimpe, kadi “kakimana mu bulelela” to. (Yone 8:44) Wakalua muena mashimi ne kutombokelaye Nzambi.

  • Banjelu bakuabu bakalonda Satana mu buntombonji buende.—Buakabuluibua 12:9.

  • Diabolo mmufofomije mêsu a bantu ba bungi bua kabamanyi ne utuku to.—2 Kolinto 4:4.

Diabolo udi mua kulombola bantu anyi?

BAMUE BANTU BADI BAMBA NE: kuamba ne: Satana ke udi utulombola ndishima, eku bakuabu pabu bumvua buôwa bua kulombodibue kudi nyuma mibi. Wewe udi wela meji kayi?

TSHIDI BIBLE WAMBA

“Ba pa buloba bonso badi ku bukokeshi bua mubi.” (1 Yone 5:19) Diabolo udi ne buenzeji bua bungi kudi bantu bonso, kadi kena ulombola muntu yonso to.

MMALU KAYI MAKUABU ATUDI MUA KULONGA MU BIBLE?

  • Bua kukolesha buenzeji buende Diabola utu usaka bantu bua kushimangana.—2 Kolinto 11:14.

  • Nyuma mibi itu imue misangu ilombola bantu.—Matayi 12:22.

  • Ku diambuluisha dia Nzambi, udi mua “kukandamena Diabolo” bimpe.—Yakobo 4:7.