Diandamuna dia mu Bible

 Luka mufundi wa Bible wakalonda bualu bua Yezu ne: “Ndi mulondolole malu onso kubangila ku ntuadijilu ne bujalame buonso.”​—Luka 1:3.

 Bamue badi bamba ne: Evanjeliyo (mmumue ne: mikanda idi ilonda malu a Yezu mifunda kudi bantu bavua ne muoyo tshikondo tshiende aba: Matayi, Mâko, Luka ne Yone) bakayishintulula mu bidimu bia 300 P.Y.

 Kadi ku ntuadijilu kua bidimu bia 1900, bakapeta kapese ka Evanjeliyo wa Yone mu Ejipitu. Badi bakabikila lelu eu ne: Papiris Rylands 457 (P⁵²) ne mbakalame mu tshitekelu tshia mikanda tshia John Rylands mu Manchester, mu Angleterre. Mifundu mifunda ku tshianza ayi idi mu Yone 18:31-33, 37, 38 mu Bible ya matuku etu aa.

 Yoyi ke mifundu ya kale ya Mifundu ya mu tshiena Greke ya buena Kristo itudi nayi lelu eu. Bamanyi ba bungi ba malu a mu Bible badi bela meji ne: bavua bayifunde bu mu 125 P.Y., mmumue ne: bidimu bitue ku 25 Yone mumane kufunda mukanda wende. Mifundu ayi idi pabuipi ne yonso ipetangana ne mikanda mifunda ku tshianza yakaluabu kupeta pashishe.