Tudi tukubikila mu
Tshivulukilu tshia lufu lua Yezu
Dinayi dia 2/4/2026
Tudi tukubikila mu bibilu bibidi biwabuela kuyi ufuta ebi
Muyuki wa pa buawu wa malu a mu Bible
“Nnganyi wavuija kabidi buloba ebu Mparadizu?”
Luaku umanye malu mimpe adi mindile bantu kumpala eku.
Tshivulukilu tshia lufu lua Yezu
Mu tshibilu tshia mushinga mukole etshi, Bantemu ba Yehowa batu basekelela lufu lua Yezu anu bu muvuaye mutume dîyi bua kutshienza.—Luka 22:19.
Nkonko itu bantu batamba kuela
Nnganyi udi mua kubuelamu?
Muntu yonso udi mua kubuelamu. Luaku ne bena mu dîku diebe.
Bibilu ebi nebinenge mutantshi bule kayi?
Muyuki wa pa buawu wa malu a mu Bible newenze minite 30. Pashishe nebakonkonone tshiena-bualu tshia malu a mu Bible mu nkonko ne mandamuna mu dîba dimue.
Ndongamu wa Tshivulukilu neenze dîba dipatshila ku dimue.
Bibilu ebi nebienzekele penyi?
Bua kupeta miaba yenzekelabi, tuaku pa “Keba muaba wenzekela Tshivulukilu” anyi “Keba muaba wenzekela muyuki wa pa buawu” lua kuulu eku.
Nebangenzeje bua kubuela mu bisangilu bikuabu anyi kulonga nabu Bible anyi?
Tòo.
Nebasangamu makuta anyi?
Tòo. Katutu tusanga makuta mu bisangilu bietu to.—Matayi 10:8.
Kudi mvuadilu udibu benzeja bantu bua kuvuala anyi?
Tòo. Nansha nanku, Bantemu ba Yehowa batu badienzeja bua kuikala ne mvuadilu wa bupuekele ne wa kanemu.
Mmalu kayi enzeka mu Tshivulukilu?
Tshivulukilu etshi tshidi tshituadija ne tshijika ne musambu ne disambila dienza kudi muena mudimu wa Nzambi wa mu Bantemu ba Yehowa. Muyuki wa malu a mu Bible welabu newumvuije mushinga udi nawu lufu lua Yezu ne tshitudi mua kuenza bua tshidi Nzambi ne Kristo batuenzele etshi kutuambuluishatshi.
Bua kumanya malu makuabu, tangila tshiena-bualu tshia “Bua tshinyi Bantemu ba Yehowa batu benza Didia dia Mukalenge dishilangane ne dia bitendelelu bikuabu?”
Mmatuku kayi enzeka Tshivulukilu kumpala eku?
2026: Dinayi dia 2/4
2027: Dimue dia 22/3
2028: Dia lumingu dia 9/4
Bua kumanya malu makuabu, tangila filme idi ilonda eyi.
Neumone muenzeka Tshivulukilu, ne kadiosha ka malu malenga atuapeta ku diambuluisha dia lufu lua Yezu.
Pamuapa ukadi mumvue bamba ne: wakafua bua mibi yetu. Kadi mulambu wa muntu umuepele uvua mua kusungila bantu miliyo ne miliyo nanku anyi?
Tshitu tshienzeka ku Nzubu wa Bukalenge ntshinyi?
Ndaku ubuelamu udimuenene nkayebe.
Ambula dibeji dia dibikila edi dia mishindu mishilangane.