Tshivulukilu tshia lufu lua Yezu
Dimue dia 22/03/2027
Bantemu ba Yehowa batu bavuluka lufu lua Yezu musangu umue ku tshidimu, anu muakatumaye dîyi pakambaye ne: “Tungunukayi ne kuenza nunku bua kumvuluka.”—Luka 22:19.
Tudi tukubikila wewe ne dîku diebe bua nubuele mu tshibilu etshi.
Nkonko itu bantu batamba kuela
Nnganyi udi mua kubuelamu?
Muntu yonso udi ubuelamu. Udi mua kulua ne balunda bebe ne dîku diebe.
Tshisangilu atshi ntshia mêba bungi kayi?
Netuenzamu pabuipi ne dîba dijima.
Netshienzekele penyi?
Monangana ne Bantemu ba Yehowa bua kumanya muaba wenzekelatshi.
Nebalombe makuta bua kubuelamu anyi?
Tòo.
Nebasangamu makuta anyi?
Tòo. Katutu tusanga makuta mu bisangilu bietu to.—Matayi 10:8.
Kudi mvuadilu udibu benzeja bantu bua kuvuala anyi?
Tòo. Kadi Bantemu ba Yehowa batu badienzeja bikole bua kuvuala mu mushindu udi uleja mudibu banemeka tshibilu tshia tshijila atshi.
Mmalu kayi enzeka mu Tshivulukilu?
Bua kubanga nansha kujikija, netuimbamu musambu ne netulonde disambila kudi muena mudimu wa Nzambi wa mu Bantemu ba Yehowa. Nebelamu muyuki wumvuija mushinga udi nawu lufu lua Yezu ne tshia kuenza bua tshidi Nzambi ne Kristo batuenzele etshi kutuambuluishatshi.
Bua kumanya malu makuabu, bala tshiena-bualu tshia “Bua tshinyi Bantemu ba Yehowa batu benza Didia dia Mukalenge dishilangane ne dia bitendelelu bikuabu?”
Mmatuku kayi enzeka Tshivulukilu kumpala eku?
Mu 2027: Dimue dia 22/3
Mu 2028: Dia lumingu dia 9/4
Mu 2029: Dinayi dia 29/3
Mona bikuabu:
MEMORIAL
Vuluka lufu lua Yezu
Tudi tukulomba ne disanka dionso bua kudisanga netu mu tshibilu tshia mushinga mukole etshi. Neumanye mudi nsombelu wa Yezu ne lufu luende mua kukuambuluisha.
MALONGESHA A MU BIBLE A NSHINDAMENU
Bua tshinyi Yezu wakafua?
Pamuapa ukadi mumvue ne: uvua mufue bua mpekatu yetu. Kadi mulambu wa muntu umuepele uvua mua kuambuluisha bantu miliyo ne miliyo anyi?
BIENA-BUALU BIKUABU
Mulambu wa Yezu ukuambuluishe
Mmalu kayi abidi a mushinga avua Yezu mutulongeshe bua kuenza bua lufu luende lutuambuluishe?
MALU ETU
Buela mu bisangilu
Keba bua kumanya muaba utudi tudisangishila ne mushindu ututu tutendelela. Muntu yonso udi mua kubuelamu ne kabena basangamu makuta to.