LE ABE AMBA ULONDOLOLANGA MILOMBELO YA . . .

• Muntu ye-yense

• Bantu bamo

• Kekudipo walondololanga

BINENA BIBLE

“Yehova udi pa bwipi na boba bonso bamwitanga, na bonso bamwitanga mu binebine.”​—Ñimbo ya Mitōto 145:18.

LE I BIKA BIKWABO BYOTWIFUNDA MU BIBLE?

• Leza kemvwanangapo milombelo ya boba bamutombokela. (Isaya 1:15) Inoko, babwanya ‘kwimuka pamo’ nandi na kushinta mashinda abo.​—Isaya 1:18.

• Milombelo ifwaninwe kukwatañana na bisakibwa bilombwelwe mu Bible pa kusaka’mba Leza alondolole’yo.​—1 Yoano 5:14.

BANTU BAMO BAKULUPILE amba, pa kulombela bafwaninwe nyeke kufukata mu manwi, kubandika mutwe, nansha kukwata makasa pamo. Lelo abe nobe?

BINENA BIBLE

Leza wāitabije milombelo ya boba bādi “bashikete” nansha ‘bemene’ nansha ke boba bādi ‘bevukwila panshi’ ne ya boba bādi ‘bafukete mu manwi.’ (1 Bilongwa 17:16; 2 Bilongwa 30:27; Ezela 10:1; Bilongwa 9:40) Leza ketulombengapo mwimanino nansha mushikatyilo kampanda pa kulombela.

LE I BIKA BIKWABO BYOTWIFUNDA MU BIBLE?

• Leza wimvwananga boba betyepeje.​—Ñimbo ya Mitōto 138:6.

• Ubwanya kulombela mu ludimi lo-lonso, nansha mundamunda.​—2 Bilongwa 6:32, 33; Nehemia 2:1-6.