Enda ku bidi'mo

Enda ku kifunka

Bulombodi ku Bakatanwa ku Kitango

Bulombodi ku Bakatanwa ku Kitango

MĪSAMBO YA PA BULA

MWINGILO WA BETELE Basapudi babatyijibwe badi na myaka 35 ne kwika bashikete mu yabo ntanda, basangela mwingilo wa ku Betele, baketeakanya mwa kukataninwa ku mīsambo ikesambwa mu Dya Butano kyolwa. Kifuko ne kitatyi bikemuyukijibwa.

MASOMO A BASAPUDI BA BULOPWE Bapania badi na myaka kushilwila pa 23 kutūla ku 65, basaka kutandabula mwingilo wabo i betwe kutanwa ku mīsambo ikalongwa mu Dya Yenga kyolwa, ya boba basaka kukafunda Masomo a Basapudi ba Bulopwe. Kifuko ne kitatyi bikemuyukijibwa.

 BULOMBODI KU BAKATANWA KU KITANGO

BATUNDAILA BĀYA Batundaila bāya i bapebwe kiselwa kya kwimukwasha. Ingidilai nabo pamo umbyonso na kulēmeka bwendeji bwabo mu myanda itala kwa kushīka myotoka ne makinga, kwa kupityila, kwa kushikata, ne bikwabokwabo.

LUBATYIJO Bishikatwa bya ba kubatyijibwa bikatūlwa kala kumeso kampalampala na lukala, poso shi kubaikala kushinta. Ba kubatyijibwa bafwaninwe kukashikata pa kifuko kibashidilwe kumeso kwa dishikulu dya lubatyijo kushilula mu Dya Mposo lubanga. Umo ne umo ukasela mbwija ya kwipampula nayo mema ne bivwalwa bifwaninwe byakatokenibwa nabyo.

BYABUNTU Bulongolodi i bulupule lupeto luvule pa kuteakanya bifuko bya kushikata’po, binanda, ne mingilo mikwabo mivule ya kukwasha bemvwaniki bekale kusepelela kitango, ne kwitukwasha tufwene pabwipi na Yehova. Byabuntu byobe bisa kukwasha ku kwaluja luno lupeto lulupukile ne kukwatakanya mwingilo wingilwa ntanda yonso. Usa kumona kufulakufula kwa kipaka tumasanduku tulembelwe’po senene amba byabuntu, mo mwa kutūla’byo. Byabuntu byonso bitendelwanga bininge. O mwanda Kitango Kyendeji kibabadikila kala kukufwija’ko pa mwanda wa mutyima obe wa buntu wa kusaka kukwatakanya tumweno twa Bulopwe.

BUNDAPI BUBAJINJI Vuluka amba i bukwashi bwa BUKIDIBUKIDI KETE.

BINTU BIJIMINE NE BISOKOLWE Bintu byonso biboibwa bifwaninwe kukatūlwa ku Mwingilo wa Bintu Bijimine ne Bisokolwe. Shi ubajimija kintu, enda ku uno mwingilo, ukokeja kujiula kintu kikujimine. Bana bajimine bakimba bambutwile babo, bafwaninwe kukatūlwa ku uno mwingilo. Inoko, uno mwingilo keufwaninwepo kumonwa bu kwa kuleleja bana. Kwatakanyai benu bana, ne kwikala nabo nyeke pabwipi.

BISHIKATWA Ikala kulangila bakwenu. Vuluka amba bishikatwa bikalaminwa enka boba bomwiile nabo mu motoka umo, bomushikatanga nabo njibo imo nansha bomukyendelela kwifunda nabo Bible. Kokitūla bintu pa bishikatwa bikwabo.

MWINGILO WA KWILANGA Shi usaka kukwasha ku mingilo mishileshile iteakanibwe ku kitango, enda ku Mwingilo wa Bulombodi nansha ku Mwingilo wa Kwilanga.

Kiteakanibwe na Kitango Kyendeji kya Batumoni ba Yehova